12.08.2026 | 19:06
Զելենսկին շնորհավորել է Փաշինյանին
Դատավորի եղբայրը կիսվել է Սերժ Թանկյանի գրառմամբ․ Քոչարյանի պաշտպանը ինքնաբացարկ ներկայացրեց Լուսինե Աբգարյանին. ՏԵՍԱՆՅՈՒԹ
Հասարակություն
16.12.2019 | 17:45
Ռոբերտ Քոչարյանի պաշտպան Արամ Վարդևանյանն այսօր դատավոր Լուսինե Աբգարյանին ինքնաբացարկի միջնորդություն ներկայացրեց։
Գործը, հիշեցնենք, վերաքննիչ դատարանում է։ Քննվում է Քոչարյանին գրավի դիմաց ազատ չարձակելու բողոքը։
Լուսինե Աբգարյանին գործը մակագրվեց այն բանից հետո, երբ ինքաբացարկ հայտնեց դատավոր Մխիթար Պապոյանը։ Արամ Վարդևանյանն իր խոսքում նշեց, որ դատավորի եղբայրը՝ Դավիթ Աբգարյանը, ֆեյսբուքյան իր էջում կիսվել է Սերժ Թանկյանի գրառմամբ, որտեղ նշված է, թե նա ուրախ է, որ Ռոբերտ Քոչարյանը կրկին բանտում է․ «Ֆեյսբուք սոցիալական ցանցի ուսումնասիրությունից պարզ է դառնում, որ Ձեր եղբայրը մտերիմ հարաբերություններ է ունեցել սույն գործով տուժողների նախկին ներկայացուցիչ Վահե Գրիգորյանի հետ»։
Բացի այդ, Արամ Վարդևանյանը նաև ասաց, որ ըստ court.am կայքի, դատավորը վաղվանից պետք է լինի արձակուրդում և հարց է ծագում, թե ինչպես է գործը նրան մակագրվել։
Մանրամասները՝ տեսանյութում։
Լիլիթ Շաբոյան
