13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
ՔԿ-ն վարույթ է ընդունել Ռուբեն Հայրապետյանի անվան հետ կապված յուրացման դեպքով հարուցված քրգործը
Հասարակություն
16.12.2019 | 14:16
ՀՖՖ նախկին նախագահ Ռուբեն Հայրապետյանի անվան հետ կապված յուրացման դեպքով ՀՀ ոստիկանության 6-րդ վարչությունում քրգործ է հարուցվել, որը ՀՀ քննչական կոմիտեն ստացել է ու վարույթ ընդունել: Լուրը Factor.am-ի հետ զրույցում հաստատեց ՀՀ քննչական կոմիտեի դեպարտամենտի և հասարակայնության հետ կապերի բաժնի պետ Նաիրա Հարությունյանը:
Քրգործ է հարուցվել ՀՀ քրեական օրենսգրքի 315-րդ հոդվածի 2-րդ մասի (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մասի (խոշոր չափերով յուրացում) , 325-րդ հոդվածի 2 մասի (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մասի (Առևտրային կամ այլ կազմակերպությունների ծառայողների կողմից լիազորությունները չարաշահելը) հատկանիշներով:
Հիշեցնենք, որ դեպտեմբերի 13-ին հատուկջոկատայինները 6-րդ վարչության աշխատակիցների հետ խուզարկություններ էին իրականացրել Ռուբեն Հայրապետյանի տանը և նրա հետ առնչվող շինություններում՝ «Հարսնաքար» ռեստորանում և «Զեյթունի արտադրամասում:
