Հասարակություն
16.10.2017 | 14:24Վրաստանում ընտանեկան բռնությունից տուժողները հիմա պաշտպանված են. վստահեցնում է Վրաստանի երիտասարդ իրավաբանների ասոցիացիայի ներկայացուցիչ Թամար Դեկանոսիձեն, որը Հայաստան է ժամանել և ներկայացնում է ընտանեկան բռնության մասին օրենքի ընդունման և կիրառման վրացական փորձը:
Վրաց իրավապաշտպանը, սակայն, Factor.am-ի հետ զրույցում ընդգծում է, որ Վրաստանում այս արդյունքին միանգամից չեն հասել: «Առաջին փուլը՝ 2006 թվականից մինչև 2014 թվականը, իսկ երկրորդ փուլը՝ 2014-ից մինչ այժմ: Առաջին փուլում թեև օրենքն ընդունված էր, սակայն կիրառման մեխանիզմները շատ թույլ էին: Այդ մեխանիզմները ուժեղացվեցին 2014-ից հետո միայն: Ընտանեկան բռնությունից պաշտպանության մեխանիզմների կիրառումը 2-3 անգամ մեծացել է, այսինքն՝ ընտանեկան բռնությունից տուժողները հիմա պաշտպանված են»,- ընդգծեց իրավապաշտպանը:
Նշենք, որ «Ընդդեմ կանանց նկատմամբ բռնության կոալիցան» Երևանում անցկացնում է քննարկում «Հայկական և վրացական լավագույն փորձի փոխանակում ընտանեկան բռնության դեմ պայքարում» թեմայով:
