18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Պահպանողականների հաղթանակի արդյունքում Մեծ Բրիտանիան հունվարի վերջին դուրս կգա Եվրոպական միությունից
Քաղաքականություն
14.12.2019 | 10:38
Մեծ Բրիտանիայի համընդհանուր ընտրությունների արդյունքները հրապարակվելուց հետո վարչապետ Բորիս Ջոնսոնը հայտարարել է, թե ընտրողներն իր Պահպանողական կուսակցությանը տվել են երկիրը Եվրոպական միությունից դուրս բերելու համար «ամուր ու նոր մի մանդատ». գրում է amerikayidzayn.com-ը:
Հանդես գալով իր աջակիցների առջեւ` Ջոնսոնն ասել է, թե Միացյալ Թագավորությունը Եվրոպական միությունը կլքի հունվարի 31-ին:
«Մենք կոտրեցինք փակուղին, մենք դուրս եկանք խցանումից»,- ասել է նա ու շնորհավորել, իր խոսքերով ասած, բոլորին, 1980 թվականից ի վեր պահպանողականների ամենամեծ հաղթանակի համար:
Ուրբաթ վաղ առավոտ հրապարակված արդյունքների համաձայն, Պահպանողական կուսակցությունը ստացել է Համայքների պալատի 650 տեղերից 364-ը, ինչը թույլ է տալիս կուսակցությանը կազմել մեծամասնական կառավարություն:
