20.01.2026 | 23:17
Ինչ իրավիճակ է Հայաստանի ճանապարհներին և Լարսում
Ի՞նչ չափանիշներով են ընտրվելու մարզիկները բանակի սպորտային ակումբում․ Վարդևան Գրիգորյան. ՏԵՍԱՆՅՈՒԹ
Քաղաքականություն
12.12.2019 | 18:05
ՀՀ Ազգային ժողովի՝ այսօր հրավիրված արտահերթ նիստում «Հայաստանի Հանրապետության Զինված ուժերի կարգապահական կանոնագիրք» ՀՀ օրենքում փոփոխություններ և լրացումներ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցի քննարկման «Բարգավաճ Հայաստան» խմբակցության պատգամավոր Վարդևան Գրիգորյանը շնորհակալություն հայտնեց նման նախագիծ ներկայացնելու համար:
Նշենք, որ օրինագծի հաստատվելու դեպքում նախատեսվում է վերականգնել բանակի մարզական ակումբը և զինվորական ծառայության զորակոչել արդեն իսկ սպորտում հաջողություններ ունեցած այն քաղաքացիներին, որոնք չեն ընդգրկվում նշանակալի նվաճումներ գրանցած քաղաքացիներին տարկետում տալու կարգի շրջանակում:
«Սա մարզական բնագավառի համար ամենամեծ նվերն էր: Ինքներդ էլ շատ լավ գիտեք, որ, իհարկե, մեծ սպորտը թանկ հաճույք է, բայց մեծ սպորտում բարձր արդյունքների հասնելու համար անհրաժեշտ են պայմաններ, իսկ այդ պայմաններից մեկը, որ 18-20 տարեկան մարզիկին հնարավորություն եք տալիս ապահովել մարզումների շարունակականությունը»,- ասաց պատգամավորը:
Նա, միաժամանակ, պաշտպանության փոխնախարար Գաբրիել Բալայանից հետաքրքրվեց, թե ի՞նչ չափանիշներով են ընտրվելու մարզիկները բանակի սպորտային ակումբում:
Մանրամասները՝ տեսանյութում:
