12.01.2026 | 11:51
Եթե խելոք չպահեն, ժողովուրդը պետք է ոտքի կանգնի և իրենց տեղը դնի․ Սինանյանը՝ եկեղեցու որոշ ներկայացուցիչների մասին․ ՏԵՍԱՆՅՈՒԹ
Որքա՞ն է կազմելու ՀՀ հարկատուների բեռը այս վարկային համաձայնագրով․ Վահե էնֆիաջյանը՝ Արմեն Հայրապետյանին. ՏԵՍԱՆՅՈՒԹ
Քաղաքականություն
12.12.2019 | 15:31
Վարկերի հետ կապված միշտ հարցերը բազմաթիվ են: Ազգային ժողովում վարկային համաձայնագրերի հարցի քննարկման ժամանակ ասաց խորհրդարանի փոխխոսնակ, «Բարգավաճ Հայաստան» խմբակցությունից Վահե Էնֆիաջյանը:
«Ուզում եմ հիշեցնել, որ «Բարգավաճ Հայաստան» խմբացկության ներկայացուցիչները, «Ծառուկյան» խմբակցության ներկայացուցիչները մշտապես դեմ են քվեարկել, դեմ են արտահայտվել և կոշտ դիրքորոշումներով են հանդես եկել վարկային համաձայնագրերի և, առհասարակ, վարկային պարտավորությունները բարձրացնելու և մեր արտաքին պարտքի բեռն ավելացնելու հետ կապված»,- ասաց Էնֆիաջյանը:
Ինչ վերաբերում է այսօր քննարկվող վարկային համաձայնագրերին, ԱԺ փոխխոսնակը ֆինանսների փոխնախարար Արմեն Հայրապետյանից հետաքրքրվեց. «Ուզում եմ հստակ ներկայացնեք՝ վարկի գումարը շատ հստակ է, տոկոսաչափը, ասվում է, որ լողացող է, ունենք արտոնյալ ժամանակահատված: Գումարի չափը վերջնական տեսքով, որ ասում եք՝ կառավարելի է, որքա՞ն է կազմելու որպես պարտք ՀՀ հարկատուների, մեզ բոլորի վրա այս վարկային համաձայնագիրը՝ ամբողջական տեսքով»:
Արմեն Հայրապետյանն ասաց՝ կոնկրետ այս վարկի գծով տոկոսադրույքը 0.9% է. «Սա նշանակում է, որ տարեկան 0.9% այս վարկի մասով պիտի պարտավորություն կատարենք: Ես արդեն նշեցի էլ՝ 25 տարի պիտի վճարենք»:
Մանրամասները՝ տեսանյութում:
