03.08.2026 | 17:21
927 մլն դոլար․ Սարդ-մարդու մասին նոր ֆիլմը տարվա ամենաեկամտաբեր մեկնարկն է գրանցել կինովարձույթում
Եթե քծնել իմանայի, ժամանակին կքծնեի գործող իշխանություններին. Արցախի նախկին վարչապետ. ՏԵՍԱՆՅՈՒԹ
Քաղաքականություն
11.12.2019 | 15:42
Ես երբևէ իմ կյանքում չեմ քծնել: Այսօր Երևանում լրագրողների հետ հանդիպմանն ասաց Արցախի նախկին վարչապետ Արայիկ Հարությունյանը՝ պատասխանելով հարցին՝ արդյո՞ք իրեն է նկատի ունեցել ՀՀ երկրորդ նախագահ Ռոբերտ Քոչարյանը, որը հարցազրույցում ասել է, թե «անընդունելի է Ղարաբաղում ունենալ քծնող նախագահ, որը հնազանդորեն տուրք է տալիս որևէ մեկի, ներառյալ՝ Հայաստանի վարչապետի քմահաճույքներին, այդ որակները հատուկ են տկար և թույլ անձերի, իսկ այդպիսի առաջնորդությունն աղետալի է լինելու Արցախի համար»:
«Այդ հարցը կարող եք տալ երկրորդ նախագահին, և թող հասցեն հստակ ներկայացնի: Ինչ վերաբերում է քծնելուն, ես չեմ քծնել երբևէ իմ կյանքում: Եթե քծնել իմանայի, ապա կքծնեի ժամանակին գործող իշխանություններին: Այո՛, ես ունեցել եմ աշխատանքային նորմալ հարաբերություններ: Ես գոհ էի մեր տնտեսական համագործակցությունից, դժգոհ՝ արցախյան խնդրի վերաբերյալ քաղաքականությունից։ Այդ գիծը հստակ կար»,- ասաց Արայիկ Հարությունյանը:
Նա հավելեց, որ այսօր արցախյան խնդրի հետ կապված այն կուրսը, որն ընտրել է Հայաստանի վարչապետը, այն է, ինչի մասին Արցախի ժողովուրդը խոսում է 30 տարի շարունակ:
«Ինչ վերաբերում է տնտեսական, սոցիալական վիճակին և Արցախի հետ հարաբերություններին, նշեմ, որ չի եղել Արցախի իշխանությունների կողմից բարձրացված մի հարց այսօրվա իշխանության առաջ, որ չլուծվի: Եվ մենք պետք է հարգենք դա: Խոսքը շատ խոշոր ներդրումային, ֆինանսական ծրագրերի մասին է»,- ասաց Արայիկ Հարությունյանը:
Մանրամասները՝ տեսանյութում:
