10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Իրաքի զինուժն օպերացիա է սկսել Քրդստանի դեմ՝ Քիրքուքը վերցնելու համար
Քաղաքականություն
13.10.2017 | 19:00
Իրաքի զինված ուժերը ռազմական գործողություններ են սկսել Քրդստանի դեմ՝ վերջինից Քիրքուք քաղաքը ետ վերցնելու համար. փոխանցում է ermenihaber-ը:
Ըստ «CNNTurk» լրատվամիջոցի՝ այդ մասին ֆրանսիական «AFP» լրատվամիջոցի հետ զրույցում հայտնել է իրաքցի մի գեներալ, ում անունը չի հրապարակվել:
«2014թ. հունիսին տեղի ունեցած դեպքերի ժամանակ Իրաքը կորցրեց որոշ տարածքներ, այժմ կորցրած տարածքները ետ վերադարձնելու համար օպերացիա է սկսվել»:
Սակայն քրդական ԶԼՄ-ները այդ տեղեկությունը չեն հաստատել, նշել են միայն, որ Քիրքուք են ուղարկվել իրաքյան Քրդստանի «Փեշմերգե» զորաջոկատներ, քանի որ իրաքյան ուժերը բավականաչափ մոտեցել են Քրդստանի սահմանին:
Քուրդիստան է նաև մեկնել Քրդստանի ղեկավար Մասութ Բարզանիի որդին՝ Մանսուր Բազանին: Բացի դրանից Քիրքուք են մեկնել մի շարք արաբ և թուրքմեն հրամանատարներ:
Թեմայի հետ կապված արձագանքել են նաև Փեշմերգեի շտաբից: «Անպատրաստ լինելը կարող է աղետալի լինի: Փեշմերգեն թող պատրաստ լինի Քիրքուքի հյուսիսից իրականացվելիք ցանկացած հարձակմանը»,-ասված է եղել հայտարարությունում:
