12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
«Ռեստարտ» խմբի անդամների գործով նիստը հետաձգվեց
Հասարակություն
10.12.2019 | 17:32
Երևան քաղաքի ընդհանուր իրավասության դատարանի Ավան և Նոր Նորքի նստավայրում՝ դատավոր Դավիթ Հարությունյանի նախագահությամբ, կայացավ նախկին ոստիկանապետ Վլադիմիր Գասպարյանի նախկին խորհրդական Նարեկ Մալյանն ընդդեմ «Ռեստարտ» նախաձեռնության անդամների» գործով դատական առաջին նիստը։
Դատավոր Դավիթ Հարությունյանը տեղեկացրեց, որ «Ռեստարտ» խմբի անդամների փաստաբան Կարապետ Բադալյանը հայտնել է, որ այլևս չի ներկայացնելու նախաձեռնության անդամների շահերը։
Ամբաստանյալների պաշտպանությամբ կզբաղվեն Ինեսսա Պետրոսյանը և Կարեն Մեժլումյանը։
Այսօրվա դատական նիստը հետաձգվեց, քանի որ «Ռեստարտ» նախաձեռնության անդամներից Դավիթ Սիմոնյանն իրեն մեղսագրված մեղադրական եզրակացությանը չէր ծանոթացել։
Ըստ մեղադրական եզրակացության՝ 6 երիտասարդները, նախնական համաձայնության գալով 2019թ. մարտի 4-ին՝ ժամը 00:40-ի սահմաններում, Երևան քաղաքի Ամիրյան փողոցի 18 հասցեում փորձել են առևանգել Նարեկ Մալյանին, սակայն հանցագործությունն ավարտին չեն հասցրել իրենց կամքից անկախ հանգամանքներով:
Գործով ամբաստանյալի կարգավիճակում են Դավիթ Պետրոսյանը, Գարիկ Միսկարյանը, Յուրի Ավագյանը, Դավիթ Սիմոնյանը, Հրաչյա Խլղաթյանը, Արամայիս Պետրոսյանը:
Երիտասարդները պնդում են, թե ցանկացել են Մալյանին աղբամանը նետել իրենց հասցեին անվայել արտահայտություններ հնչեցնելու համար։
Լիլիթ Շաբոյան
