Բոյկոտե՞լ, թե՞ մասնակցել. ադրբեջանական որոշ ընդդիմադիր ուժեր, այնուամենայնիվ, կմասնակցեն մեջլիսի արտահերթ ընտրություններին

Լուրեր

18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
18.11.2026 | 20:30
Այժմ Պուտինի աչքերում Փաշինյանն օրինական ընտրված վարչապետ է. Ալեքսեյ Վենեդիկտով․ ՏԵՍԱՆՅՈՒԹ
18.11.2026 | 20:17
Ալեն Սիմոնյանն ու ԵՄ պատվիրակությունը քննարկել են Հայաստան-ԵՄ հարաբերությունների զարգացումը
18.11.2026 | 20:16
ՌԴ դատախազությունն առաջարկել է կարճել Խաչատուրյան քույրերի դեմ քրեական գործը
18.11.2026 | 20:04
Ջանգեր կոչվող հատվածից մինչև Գորայք ճանապարհին թույլ ձյուն է տեղում
18.11.2026 | 20:00
Վտանգավոր է Գրիգորյանի առաջարկած ռեգիոնալ ինտեգրացիան, ծուղակ կլինի՝ Արևմուտքից մեկուսանալ, մնալ ավտորիտարների պլատֆորմում․ Սոսի Թաթիկյան․ ՏԵՍԱՆՅՈՒԹ
18.11.2026 | 19:48
«Չեք աճել այդքան, որ Վասիլիչին ճանաչեք»․ Փաշինյանը՝ Ղազարյանին. ՏԵՍԱՆՅՈՒԹ
18.11.2026 | 19:38
Ալեն Սիմոնյանն ընդունել է Կիպրոսի անհայտ կորած անձանց հարցերով հանձնաժողովի ներկայացուցչին
Բոլորը

Ադրբեջանի նախագահ Իլհամ Ալիևի հրամանագրով արտահերթ խորհրդարանական ընտրությունները տեղի կունենան 2020թ. փետրվարի 9-ին։ Ադրբեջանական տարբեր ընդդիմադիր ուժեր էլ այս շրջանում քաղաքական խորհրդակցություններ են անցկացնում, որոշում՝ մասնակցե՞լ ընտրություններին, թե՞ բոյկոտել։

Ընդդիմադիր կուսակցություններից «Մուսավաթն» արդեն հայտարարել է արտահերթ ընտրություններին մասնակցելու մտադրության մասին։ Նման որոշում է կայացվել կուսակցության բարձրագույն խորհրդի՝ նախօրեին տեղի ունեցած արտահերթ նիստում։

«Երկարատև քննարկումներից հետո մենք եկանք այն եզրակացության, որ ընտրություններին մասնակցությունը ներկա հասարակական- քաղաքական իրավիճակում կհամապատասխանի ժողովրդի շահերին: Ձայների մեծամասնությամբ արտահերթ խորհրդարանական ընտրություններում կուսակցության մասնակցության որոշում է կայացվել»,- ադրբեջանական լրատվամիջոցների փոխանցմամբ՝ ասել է «Մուսավաթ» կուսակցության առաջնորդ Արիֆ Հաջիլին։

Մեջլիսի արտահերթ ընտրություններին կմասնակցի նաև ընդդիմադիր «Հանրապետական այլընտրանք»՝ ReAL կուսակցությունը։ Ընդդիմադիր ուժի նախագահ Իլգար Մամեդովի խոսքով՝ հնարավորություն է ստեղծվել, և ընդդիմությունը պիտի օգտագործի այդ հնարավորությունը, և իրենք ընտրություններին պատրաստվել են դեռ նախորդ տարվանից։

«Այս շրջանը չնայած փոքր է, մեզ համար բավարար է, քանի որ մենք չենք դադարեցրել մեր նախապատրաստական աշխատանքները: Մենք աշխատել ենք մեր թեկնածուների ու դիտորդների ցուցակների վրա, արել ենք ժամանակին նախապատրաստությունները և դեռ երկու ամիս ժամանակ ունենք: Լավ կլիներ՝ ընտրությունները մի փոքր ուշ լիեին, բայց ժամանակը եկել է, և մեզ անհրաժեշտ է արագացնել նախապատրաստությունները»,- «Ազատություն» ռադիոկայանի տեղական ծառայության հետ զրույցում ասել է Մամեդովը։

ReAL-ի մամուլի ծառայությունն էլ նախօրեին հաղորդագրություն է տարածել՝ նշելով, որ կուսակցությունն ընտրություններին կմասնակցի 43 թեկնածուով. 21-ը  կառաջադրվեն Բաքվում, 22-ը՝ շրջաններում։ Թեկնածուների անունները կհրապարակվեն ավելի ուշ։

Նշենք, որ Իլգար Մամեդովը միանշանակ չի ընկալվում ընդդիմադիր որոշ շրջանակների կողմից, կան կասկածներ, որ նա իշխանական շրջանակների հետ է համագործակցում՝ չնայած նրան, որ մի քանի տարի անազատության մեջ էր ու քաղբանտարկյալ: Մամեդովը, հիշեցնենք, ձերբակալվել էր 2013 թվականին, Ադրբեջանի նախագահական ընտրություններում մասնակցելու մտադրության մասին հայտնելուց հետո: Արևմտյան մի շարք կազմակերպություններ Մամեդովին համարում էին քաղբանտարկյալ, նույնիսկ ՄԻԵԴ-ն էր նրա կալանքը համարել ապօրինի ու պահանջել ազատ արձակել, ինչն Ադրբեջանի իշխանությունները հրաժարվում էին կատարել: Ի վերջո, Մամեդովն ազատ արձակվեց 2018-ի օգոստոսին:

Իսկ ահա Ադրբեջանի գլխավոր ընդդիմադիր ուժը՝ Դեմոկրատական ուժերի ազգային խորհուրդը, դեռ հստակ որոշում չունի՝ բոյկոտե՞լ, թե՞ մասնակցել ընտրություններին։  Ընդդիմադիր այս ուժը գտնում է, որ արտահերթ ընտրությունների անցկացումը նպատակ ունի իշխանությունը կենտրոնացնել Ալիևների ձեռքում։

Ընտրակեղծիքների բացառման համար էլ ընդդիմադիրներն իշխանությանն առաջարկել են մի շարք  բարեփոխումներ իրականացնել, որից հետո նոր հնարավոր կլինի կազմակերպել արդար ընտրություններ։

«Մենք ուզում ենք մասնակցել ընտրություններին: Այդ պատճառով մենք արել ենք բարեփոխումների շատ պարզ առաջարկ։ Մենք առաջարկում ենք ընտրական հանձնաժողովներում ընդգրկել ընդդիմության ներկայացուցիչների, գրանցել մեր թեկնածուներին, քարոզչության համար ունենալ հավասար հնարավորություններ, մասնակցել ձայների հաշվարկին, ապահովել հավաքների ազատությունը։ Իր ուժերին վստահ կառավարությունը կընդունի այս պահանջները և կմրցակցի ընդդիմության հետ։ Բայց քանի որ նրանք հույսը դնում են կեղծիքների վրա, պայմաններ են ստեղծել, որ ընտրություններում մրցակցություն չլինի»,- նախօրեին հայտարարել է «Ազգային ճակատ» կուսակցության ղեկավար Ալի Քերիմլին՝ նշելով, որ ընտրություններին մասնակցելու կամ բոյկոտելու վերջանական որոշումը մի քանի օրից կհայտարարվի: Որոշումը, սակայն, արդեն կայացված է։ Այսօր արդեն յութուբյան ալիքներից մեկի եթերում Ալի Քերիմլին հայտարարել է, որ իրենք չեն մասնակցելու ընտրություններին: Նա նշել է, կուսակցության համակարգող խորհուրդը որոշել է բոյկոտել դրանք:

Հիշեցնենք, որ Ադրբեջանի խորհրդարանը ցրելու նախաձեռնությունը իշխող «Յենի Ադրբեջան» կուսակցությանն է, որը նոյեմբերի 28-ի քաղխորհրդի նիստում նման որոշում էր կայացրել։ Դեկտեմբերի 2-ին արդեն մեջլիսը ինքնալուծարման որոշում ընդունեց:

Էմմա Չոբանյան