27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
Հայաստանը ՄԱԿ-ում դեմ է քվեարկել հակառուսական բանաձևին
Քաղաքականություն
10.12.2019 | 13:02
ՄԱԿ-ի Գլխավոր վեհաժողովը բանաձև է ընդունել, որով Ռուսաստանին կոչ է արվում զորքերը դուրս բերել Ղրիմի թերակղզուց: Ուկրաինայի առաջարկած բանաձևին դեմ է քվեարկել 19 երկիր: Այս մասին հաղորդում է 5.ua-ն՝ վկայակոչելով ՄԱԿ-ում Ուկրաինայի ներկայացուցչության խոսնակ Օլեգ Նիկոլաենկոյի ֆեյսբուքյան գրառումը:
Բանաձևին դեմ քվեարկած երկրների թվում են ՌԴ-ն, Հայաստանը, Բելառուսը, Բուրունդին, Կամբոջան, Չինաստանը, Կուբան, Հյուսիսային Կորեան, Իրանը, Ղրղզստանը, Լաոսը, Մյանման, Նիկարագուան, Ֆիլիպինները, Սերբիան, Սուդանը, Սիրիան, Վենեսուելան, Զինբաբվեն:
Փաստաթղթին կողմ է քվեարկել 63 երկրի պատվիրակությունը, 66-ը ձեռնպահ է մնացել:
Նշենք, որ ՄԱԿ-ի Գլխավոր վեհաժողովի ընդունած բանաձևը Ռուսաստանին կոչ է անում զերծ մնալ Ղրիմում ենթակառույցվածքների և միջուկային օբյեկտների նկատմամբ իր իրավասությունների ընդլայնման ջանքերից, ինչպես նաև մտահոգություն հայտնում ուկրաինական պաշտպանական արդյունաբերության ձեռնարկությունների օգտագործման առիթով:
