Մենք բոլոր վհուկների անունները գիտենք, բայց վհուկների որս չի լինելու, ամեն ինչ լինելու է օրենքով․ Արարատ Միրզոյան. ՏԵՍԱՆՅՈՒԹ

Չափազանց խորքային խնդրի շուրջ ենք մենք հիմա քննարկում ծավալում: Այս մասին ԱԺ-ում իր ելույթի ժամանակ ասաց ԱԺ նախագահ Արարատ Միրզոյանը։

«30 տարոց ավելի, 20-ից ավելի տարիներ հասարակությունը սրտատրոփ սպասում է՝ ե՞րբ են, ի վերջո, Հայաստանում հայտնվելու ուժեր, ձեռք, արդար ուժ, որը կսրբի-կտանի այն վհուկներին, որոնք խոչընդոտում են Հայաստանի զարգացմանը, որոնք կեղեքում են ՀՀ-ի բնակչությանը, որոնք թալանում են ՀՀ-ի բնակչությանը։ Ահա մի քաղաքական ուժ դա յուրովի անելու հայտ է ներկայացնում։ Մենք քայլ առ քայլ պայքարելու ենք կոռուպցիայի դեմ և վերականգնելու է օրինականությունը ՀՀ-ում։ Էդպես չի լինում, պետք է բոլոր վհուկներին միանգամից բռնենք, տանենք բանտերը։ Մենք նրանց բոլորի անունները գիտենք։ Մենք ասում ենք՝ ոչ, ամեն ինչ օրինականության սահմաններում պետք է լինի։ Վհուկների որս չի լինելու, ամեն ինչ լինելու է օրենքով»,- ասաց Արարատ Միրզոյանը։

ԱԺ նախագահը, դիմելով «Բարգավաճ Հայաստան» կուսակցությանը, հորդորեց չտրվել հին խաղերին, հին մոտիվացիաներին, դա լավ տեղի չի հանգեցնում։ «Մի՛ պահեք ոչ մի բաստիոն, որը հին Հայաստանի, կոռումպացված Հայաստանի, ավտորիտար Հայաստանի բաստիոններից մեկը կարող է լինել։ Դրա կարիքը դուք չունենք»,- ասաց նա։

Դիմելով «Լուսավոր Հայաստանին»՝ Միրզոյանն ասաց․ «Մենք շատ բաներ ասում ենք՝ սենց ա ճիշտ, սենց ա ճիշտ, հենց որ գալիս է անելու պահը՝ դուք ասում եք՝ վույ-վույ, աման-աման, ժողովուրդ ջան, անել է պետք։ Վստահ եմ՝ մեզ հետ միասին ուզում եք ունենալ ժողովրդավարական Հայաստան։ Ինչի՞ եք ամեն անգամ գալիս, հասնում առվին, ասում՝ չէ, կթրջվենք հանկարծ։ Շատ ժողովրդավարական օրենքի նախագիծ է ներկայացված»,- նկատեց Միրզոյանը։

Հիշեցնենք, որ Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սահմանադրական օրենքում լրացում կատարելու մասին և Պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթն առաջին ընթերցմամբ ընդունելու հարցը։

Մանրամասները՝ տեսանյութում։