12.08.2026 | 19:06
Զելենսկին շնորհավորել է Փաշինյանին
Ժողովրդի գրպանի հաշվին չսիրված դատավորներին թոշակի ուղարկելն անընդունելի է․ Անի Սամսոնյան. ՏԵՍԱՆՅՈՒԹ
Քաղաքականություն
10.12.2019 | 11:46
Իշխանությունը նախաձեռնել է այս փոփոխությունը և որպես դրա արդարացում ներկայացնում է, որ փրկագին է դատական համակարգի առողջացման համար։ Մեր պատկերացումներով՝ սա նախագիծ է, որ նպատակ ունի հեռացնել ՍԴ հին անդամներին, և այդ դատարանը լրացնել այս իշխանության համար նոր և վստահելի անդամներով։ Այս մասին ԱԺ-ում իր ելույթի ժամանակ ասաց «Լուսավոր Հայաստան» խմբակցության պատգամավոր Անի Սամսոնյանը։
«Ժողովրդի գրպանի հաշվին ձեր կողմից չսիրված և ժողովրդի կողմից չսիրված դատավորներին թոշակի ուղարկելու համար փող հատկացնելը մեզ համար անընդունելի է։ Սրանով դուք լուծում եք քաղաքական խնդիր»,- ասաց Սամսոնյանը։
Հիշեցնենք, որ Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սահմանադրական օրենքում լրացում կատարելու մասին և Պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթն առաջին ընթերցմամբ ընդունելու հարցը։
Մանրամասները՝ տեսանյութում։
