08.11.2024 | 23:14
Վթար Աշտարակի խճուղում․ կա տուժած
Բեռլինում կատարված սպանությունը վնասում է Մոսկվայի հետ մեր հարաբերությունները. Մերկելի իրավահաջորդ
Քաղաքականություն
08.12.2019 | 19:18
Գերմանիայի պաշտպանության նախարար Անեգրետ Քրամփ Կարենբաուերը հայտարարել է, որ կառավարությունը կքննարկի Ռուսաստանի նկատմամբ գործողությունների հետագա քայլերը՝ կապված Բեռլինում Վրաստանի քաղաքացու սպանության հետ. գրում է ria.ru-ն:
Նա ընդգծել է, որ Մոսկվան պետք է «իր ներդրումն անի» հանցագործության հետաքննության հարցում:
«Այդ սպանությունը վնաս է հասցնում Գերմանիայի և Ռուսաստանի հարաբերություններին: Ապացույցները ծանրակշիռ են», – հայտարարել է Կարենբաուերը:
Հիշեցնենք, որ խոսքը Վրաստանի 40-ամյա քաղաքացու սպանության մասին է, որին հաջորդեց Գերմանիայից երկու ռուս դիվանագետի արտաքսումը: Մի քանի օր անց 49-ամյա ռուս տղամարդու էին ձերբակալել, որի մոտ գտել էին այն զենքը, որով սպանությունն էր կատարվել:
