Քաղաքականություն
13.10.2017 | 11:28
Ռուսաստանը փորձել է միջամտել ԱՄՆ-ի գործերին Pokemon GO խաղի օգնությամբ. այս մասին հայտնել է CNN-ը, փոխանցում է ria.ru-ն:
Խոսքը Don’t Shoot Us (Մի կրակեք մեզ վրա) արշավի մասին է։ Այդ արշավի օգտահաշիվները գրանցվել էին Facebook-ում, Instagram-ում, Twitter-ում, Tumblr-ում և YouTube-ում։ Նշվում է, որ մրցույթի մասնակիցներին առաջարկվել է իրենց պոկեմոններին անվանել մահացած աֆրոամերիկացիների անուններով:
Այդ արշավին Ռուսաստանի մասնակցությունը CNN-ը փորձում է ապացուցել նրանով, որ նրա օգտահաշիվը Facebook-ում կապված է եղել Internet Research Agency-ի հետ, որը, հեռուստաալիքի կարծիքով՝ հանդիսանում է «կրեմլամետ կառույց»։
