12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Կարո՞ղ է էդ մարդկանց սաղ օրը սահմանադրական հանրաքվե բացատրենք․ Էդմոն Մարուքյան. ՏԵՍԱՆՅՈՒԹ
Քաղաքականություն
05.12.2019 | 11:16
Երեք բան եմ ուզում ասել։ Առաջինը, որ հեղափոխությունից առաջ համայնքների խոշորացումը եղել է ոչ միանշանակ ռեֆորմ, եթե չասեմ, որ բոլորը, լավ, մեծավմասամբ ընդդիմությունը դեմ է եղել։ Այս մասին ԱԺ-ում իր ելույթի ժամանակ ասաց «Լուսավոր Հայաստան» պատգամավոր Էդմոն Մարուքյանը։
«Գնահատում իրականացվե՞լ է, որ համայնքները, որոնք խոշորացվել են՝ լա՞վ է, թե՞ վատ։ Երկրորդ՝ չի կարելի անել տեղական հանրաքվե և դա լինի ոչ պարտադիր, դա ընտրական ինստիտուտի հերն անիծում է։ Մարդկանց չենք կարող բացատրել, որ սա ոչ պարտադիր հանրաքվե է։ Իրենք գիտեն, որ հավաքվեն բոլորով գնան դեմ քվեարկեն, չի խոշորանալու։ Մեկ է՝ համախմբվում, դեմ են քվեարկում, կառավարությունը խոշորացնում է։ Կարո՞ղ է էդ մարդկանց սաղ օրը սահմանադրական հանրաքվե բացատրենք։ Եվ երրորդ՝ ԼՀԿ-ի դիրքորոշումը եղել է հետևյալը՝ խոշորացման ամեն դեպքը յուրահատուկ է, դեպքեր կան, որ պետք է խոշորացնենք, դեպքեր կան, որ չպետք է խոշորացնենք»,- ասաց Էդմոն Մարուքյանը։
Հիշեցնենք, որ Ազգային ժողովում քննարկվում է Տեղական հանրաքվեի մասին Հայաստանի Հանրապետության օրենքում լրացումներ կատարելու մասին և Տեղական ինքնակառավարման մասին ՀՀ օրենքում լրացումներ կատարելու մասին օրենքների փաթեթը:
Մանրամասները՝ տեսանյութում։
