12.01.2026 | 21:27
Դանիան և Գրենլանդիան չորեքշաբթի ԱՄՆ-ի հետ բանակցություններ կանցկացնեն
Թուրքիայի կողմից Հայոց ցեղասպանության ճանաչումը ժամանակի հարց է. Լիտվայի նախագահ
Քաղաքականություն
04.12.2019 | 18:14
Լիտվայի նախագահ Գինատաս Նաուսեդան կարծում է, որ Թուրքիայի կողմից Հայոց ցեղասպանության ճանաչումը ժամանակի հարց է, և մի օր դա տեղի կունենա: Այս մասին գրում է Rusarminfo-ն՝ վկայակոչելով Delfi պարբերականը:
«Հնարավոր է՝ դա շատ շուտ տեղի չունենա: Դժվար է հուսալ, որ դա տեղի կունենա առաջիկա հինգ կամ տասը տարիներին: Բայց ես կարծում եմ, որ փաստը կա և, այսպես թե այնպես, այն կընդունվի»,- ասել է Նաուսեդան:
Նաուսեդայի հայտարարությունից հետո Թուրքիայի ԱԳՆ-ն Լիտվայի դեսպանին հրավիրել է՝ Առաջին աշխարհամարտի տարիներին Օսմանյան կայսրությունում կոնֆլիկտի մասին զրուցելու, սակայն բողոք չի հայտնել:
«Հանդիպման թեմաներից մեկը եղել է 1915 թվականի իրադարձությունների վերաբերյալ երկրների մոտեցումը, որը միջազգային հանրության մի մասը գնահատում է որպես Թուրքիայի կողմից իրականացված Հայոց ցեղասպանություն»,- հայտարարել են Լիտվայի ԱԳՆ-ում:
Լիտվայի ԱԳՆ-ն նաև տեղեկացրել է, որ հանդիպման ժամանակ բողոքի նոտա չի հանձնվել դեսպանին:
Նշենք, որ Լիտվայի Սեյմը 2005 թվականին ընդունված բանաձևով ճանաչել է, որ Առաջին աշխարհամարտի տարիներին Օսմանյան կայսրությունում հայերի ցեղասպանություն է իրագործվել:
