13.05.2026 | 22:47
Երևանում ծառն ընկել է չորս տրանսպորտային միջոցի վրա
«Հույս ունեմ՝ երեկ հանգիստ քնել եք». ՀՅԴ ՀԵՄ անդամը՝ Արայիկ Հարությունյանին. ՏԵՍԱՆՅՈՒԹ
Հասարակություն
04.12.2019 | 15:29
Այսօր՝ Կրթության, գիտության, մշակույթի և սպորտի նախարարությունում՝ Արայիկ Հարությունյանի հետ «Բարձրագույն կրթության մասին» օրենքում լրացումներ ու փոփոխություններ կատարելու նախագծի թեմայով հանդիպում-քննարկմանը ներկա էր նաև Դաշնակցության Հայաստանի երիտասարդական միության կենտրոնական վարչության անդամ Քրիստինե Վարդանյանը:
Մինչ ԿԳՄՍ նախարարին հարց ուղղելը, ՀՅԴ ՀԵՄ անդամն ասաց. «Հույս ունեմ՝ երեկ հանգիստ քնել եք: Միայն մեր օրակարգի բոլոր հարցերը քննարկելու համար երեկ այսպիսի հանդիպում էին պահանջում ուսանողներ ու քաղաքացիներ, որոնցից 24-ն արդյունքում հայտնվեցին ոստիկանական բաժնում»։
ՀՅԴ ՀԵՄ անդամն ասաց, որ ցանկանում է Արայիկ Հարությունյանին նամակ փոխանցել և հավելեց, որ պատրաստվում է լքել դահլիճը ու իր հարցերի պատասխանը լսել ուղիղ եթերով, քանի որ չի ուզում, որ քննարկումը լեզվակռվի վերածվի։ Սրան ի պատասխան՝ Արայիկ Հարությունյանը նշեց․ «Ներողություն, ուրեմն ես չեմ պատասխանի Ձեր հարցերին, որովհետև դա անհարգալից վերաբերմունք է ոչ միայն իմ, այլ նաև լսարանի նկատմամբ, որովհետև իրենցից ժամանակ խլեցիք, հարցեր տվեցիք և ասում եք՝ ինձ հարցերը հետաքրքրում են լայվի մակարդակով»։
Մանրամասները՝ տեսանյութում։
Նելլի Մելքոնյան
