03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Ադրբեջանի խորհրդարանը լուծարման մասին խնդրանքով դիմել է նախագահին
02.12.2019 | 19:47
Ադրբեջանի Միլի Մեջլիսը (խորհրդարան) նիստի ժամանակ ընդունել է խորհրդարանի լուծարման և արտահերթ ընտրություններ անցկացնելու մասին նախագակին ուղղված դիմումը: Որոշման օգտին քվեարկել է 99 պատգամավոր, մեկը դեմ է եղել, մեկը ձեռնապահ է մնացել, ևս մեկը չի քվեարկել, հաղորդում է ՏԱՍՍ-ը:
Փաստաթղթում նշվում է, որ բարեփոխումների արագացումը «պահանջում է կատարելագործում, արդյունավետության բարձրացում և Մեջլիսի գործունեության թարմացում»:
Փաստաթղթում նաև նշվում է, որ պատգամավորների մեծ մասն անհնար է համարում ստեղծված իրավիճակում գործունեությունը շարունակելը: Որոշման ընդունումից հետո խոսնակ Օկտայ Ասադովը չի բացառել, որ դեկտեմբերի 3-ին կարող է կայանալ ներկայիս կազմով վերջին նիստը:
Մեջլիսի լուծարման նախաձեռնությամբ հանդես է եկել «Ենի Ադրբեջան» իշխող կուսակցությունը: Նրանք դա բացատրել են պետության ղեկավարի կողմից անցկացվող բարեփոխումներն աջակցելու, օրենսդրական իշխանությունը վերաձեւավորելու եւ խորհրդարանը երիտասարդացնելու անհրաժեշտությամբ: Նախաձեռնությանն աջակցել են նաև անկախ և ընդդիմադիր պատգամավորները:
Ըստ Ադրբեջանի սահմանադրության՝ խորհրդարանի լուծարման և արտահերթ ընտրությունների նշանակման իրավունք ունի նախագահը:
Միաժամանակ, Ադրբեջանի նախագահ Իլհամ Ալիևը Սահմանադրական դատարան հարցում է ուղարկել՝ խորհրդարանի լուծարման սահմանադրականության հարցը քննարկելու համար: ՍԴ-ի նիստում քննարկվել է Ալիևի հարցումն ու որոշում է կայացվել այն ընդունելու մասին: Իլհամ Ալիևի հարցումը Սահմանադրական դատարանը կդիտարկվի դեկտեմբերի 4-ին:
