27.06.2026 | 15:55
Մազաչափ թերությունն էլ որ եղել է, անմիջապես բարձրաձայնվել է, բոլորի հետևից գնացել ենք․ Հովակիմյան․ ՏԵՍԱՆՅՈՒԹ
Նախագահների հանդիպման բովանդակությունը Բաքվին ձեռք չի տալիս. Շավարշ Քոչարյան
Քաղաքականություն
12.10.2017 | 13:17
Ղարաբաղյան հակամարտության հարցում առաջընթացի մասին չպետք է խոսել, քանի դեռ կողմերի միջև չկա վստահություն: Այս մասին այսօր Կառավարության նիստից հետո հայտարարեց ՀՀ փոխարտգործնախարար Շավարշ Քոչարյանը:
«Այն փաստը, որ Ադրբեջանը հրաժարվում է իր միջազգային պարտավորություններից արդեն հարցականի տակ է դնում ցանկացած ապագա համաձայնություն: Նա կարող է ստորագրություն դնել այդ համաձայնագրի տակ և վաղը չկատարել, ինչի ապացույցն է հենց այդ նույն համաձայնագրի խախտումը»,- մանրամասնեց արտաքին գերատեսչության նախարարի տեղակալը:
Ավելին, Շավարշ Քոչարյանի խոսքով՝ հայկական կողմը որևէ երաշխիք չունի, որ Ադրբեջանը բանակցելուն զուգահեռ ռազմական գործողություններ չի սկսի:
Ինչ վերաբերում է Հայաստանի և Ադրբեջանի նախագահների հանդիպմանը, այժմ այդ հնարավոր հանդիպման մասին դեռ ոչինչ հայտնի չէ: Ըստ Քոչարյանի,սակայն, Ադրբեջանի ղեկավարը չի կարող խուսափել հանդիպումից:
Փոխարտգործնախարարի պնդմամբ՝ երկու երկրների ղեկավարների հանդիպման բովանդակությունը Բաքվին ձեռնտու չէ:
Հիշեցնենք՝ Ադրբեջանի նախագահը հայտարարել էր, որ Հայաստանը վերսկսում է բանակցություններն առանց նախապայմանների:
Մանրամասները՝ տեսանյութում:
Շողիկ Գալստյան
