23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Պարոն Պետրոսյան, ես քննության չեմ, Դուք էլ իմ դասախոսը չեք, որ ասեք՝ որ հարցին ինչպես պատասխանեմ․ Սուրեն Գրիգորյան. ՏԵՍԱՆՅՈՒԹ
Քաղաքականություն
02.12.2019 | 16:34
Պետաիրավական հանձնաժողովի նիստի ժամանակ «Բարգավաճ Հայաստան» խմբակցության պատգամավոր Գևորգ Պետրոսյանը հետաքրքրվեց, թե 2018 թվականի փետրվարի 9-ից հետո Սահմանադրական դատարանն ի՞նչ որոշում է կայացրել, որը չի վայելում հանրության վստահությունը։
«Էդ հարցին ես էլ կարող եմ պատասխանել»,- տեղից արձագանքեց Պետաիրավական հանձնաժողովի նախագահ Վլադիմիր Վարդանյանը։
«Մի՛ հուշեք, պարոն Վարդանյան»,- կատակեց «Իմ քայլը» խմբակցության պատգամավոր Սուրեն Գրիգորյանը, ապա նշեց․ «Նախագիծը որևիցե անձից ազատվելու նպատակ չի հետապնդում։ Երբ որ Դուք ասում եք, թե որ որոշումն է, ես՝ որպես ԱԺ պատգամավոր, չեմ վայելում վստահություն կամ անվստահություն, երբ ժողովուրդն առանձին որոշումների․․․ խոսքն մարմնի նկատմամբ վստահության առկայության կամ բացակայության մասին է»։
Գևորգ Պետրոսյանը նկատեց, որ իր հարցին պատգամավորը չպատասխանեց։
«Եվ երկրորդ՝ էդ որ ասում եք՝ քաղաքական մարմին է, առաջին հերթին հենց ձեր պաշտպանյալ Վահե Գրիգորյանն ասաց, որ Սահմանադրական դատարանի ընտրությունը քաղաքական ընտրություն է։ Էս ո՞ւմ եք եկել, ի՞նչ եք ասում, ձեր կարծիքով՝ մենք հիշողություն չունե՞նք, թե՞ հավի հիշողություն ունենք, հարգելի պարոն Գրիգորյան։ Առաջին փոխվարչապետի մակարդակով է ասվել, որ ՍԴ-ի խնդիրը քաղաքական իմաստ ունի։ Էս ո՞ւմ եք եկել, ի՞նչ եք ասում։ Եվ հետո, էդքան որ ասում եք՝ ամենայն հարգանքով դատավորների հանդեպ, բա որ էդքան հարգանք ունեիք դատավորների հանդեպ՝ անձամբ հենց Դուք, բա ինչի՞ չդատապարտեցիք դատավորներին «վնգստացող» ասելու հայտարարությունը։ Ու էստեղ աճպարարության տեղ չի»,- ասաց Պետրոսյանը։
Ապա Գրիգորյանը փորձեց անդրադառնալ Պետրոսյանի դիտարկմանը, սակայն «Բարգավաճ Հայաստանի» պատգամավորը կրկին միջամտեց։ Սուրեն Գրիգորյանն էլ նկատեց․ «Պարոն Պետրոսյան, ես քննության չեմ, Դուք էլ իմ դասախոսը չեք, որ ասեք՝ որ հարցին ինչպես պատասխանեմ»։
Հիշեցնենք, որ ՀՀ կառավարությունն առաջարկել է «Հանրային ծառայության մասին և կից օրենքներում փոփոխություններ ու լրացումներ կատարելու մասին» օրենսդրական նախաձեռնությունների փաթեթը, որն էլ հանձնաժողովի այսօրվա օրակարգում է:
Մանրամասները՝ տեսանյութում։
