31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Դավիթ Խաժակյանը ուղիղ եթերում բանավեճի է հրավիրել Հայկ Մարությանին
Քաղաքականություն
02.12.2019 | 10:32
Երևանի ավագանու «Լույս» խմբակցության ղեկավար Դավիթ Խաժակյանը քաղաքապետ Հայկ Մարությանին ուղիղ եթերում բանավեճի է հրավիրել:
«Հարգելի պարոն Մարության,
Օրեր շարունակ մենք ահազանգում ենք Ձեր գործարքների կոռուպցիոն բնույթի և պաշտոնեական լիազորությունները անցնելու մասին։
Դուք հակադարձեցիք ուղիղ եթերով, ինչն էլ ավելի շատ հարցերի տեղիք տվեց։ Սույնով հեռակա բանավեճը դադարեցնում եմ և Ձեզ հրավիրում եմ առերես ուղիղ եթերում բանավեճի, որը որպես ժողովրդավարական մշակույթի տարր այլընտրանք չունի։ Բանավեճի ժամանակ ես կհիմնավորեմ թե ինչո՞ւ եմ պնդում, որ Ձեր գործողություններում առկա են կոռուպցիոն բնույթ ու պաշտոնեական լիազորությունների չարաշահում, իսկ դուք կկարողանաք կետ առ կետ պատասխանել բարձրացված հարցերին։
Սպասում եմ Ձեր արձագանքին մինչև վաղը 18։00 որպեսզի հեռուստաընկերության հետ պայմանավորվենք»,- գրել է նա:
Հիշեցնենք, որ ավագանու ընդդիմադիր անդամը քաղաքապետին մեղադրում էր գործարար, ՀՀԿ նախկին պատգամավոր Սամվել Ալեքսանյանի կողմից քաղաքապետարանին «ԿամԱԶ» մակնիշի աղբատարների նվիրատվության դիմաց շինթույլտվություն տալու մեջ, որ, սակայն, Մարությանը հերքեց՝ նշելով. «Ես ուզում եմ ասել, որ եթե ինձ այսօր էլ որպես քաղաքապետի հարցնեն՝ արդյոք Սամվել Ալեքսանյանը նվեր տվե՞լ է Երևան քաղաքին մեքենաներ, ես այսօր էլ կպատասխանեմ՝ ո՛չ: Ինչո՞ւ, որովհետև ես պաշտոնատար անձ եմ, և քաղաքապետը չի կարող ինչ-որ ասեկոսեների կամ այլ խոսակցությունների հիման վրա, ինչ-որ հայտարարություններ անել»:
