12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Սուր խոսակցություն Արսեն Թորոսյանի և իմքայլականների միջև. նախարարը լքեց նիստը. ՏԵՍԱՆՅՈՒԹ
Քաղաքականություն
28.11.2019 | 14:57
Իշխող «Իմ քայլը» խմբակցության պատգամավոր Քրիստինե Պողոսյանը լուրջ խնդիրներ և կոռուպցիոն ռիսկեր է տեսնում «Դեղերի մասին» ՀՀ օրենքում լրացում և փոփոխություն կատարելու մասին նախագծում և դեմ է քվեարկելու դրան: Այդ մասին պատգամավորն այսօր հայտարարեց ԱԺ առողջապահության և սոցիալական հարցերի մշտական հանձնաժողովի նիստի ընթացքում:
Նախատեսվող փոփոխություններից մեկով՝ դեղատոմսով իրացվող դեղերի մասին տեղեկության տարածումը ԶԼՄ-ներով արգելվում է, բացառությամբ՝ պետական ծրագրի շրջանակներում բնակչության համար ձեռք բերված դեղատոմսով բաց թողնվող դեղերի մասին հանրային իրազեկում իրականացնելը:
Պատգամավորի հայտարարությունը դուր չեկավ քննարկմանը ներկա առողջապահության նախարար Արսեն Թորոսյանին: Նախարարը վրդովվեց, թե Քրիստինե Պողոսյանն իրենց մեղադրում է կոռուպցիայի մեջ՝ իրենց հենարանը լինելու փոխարեն, ինչը քաղաքական լուրջ հետևանքի պատճառ կարող է հանդիսանալ:
«Անցել են այդ ժամանակները, երբ ԱԺ-ն դակիչ մարմին էր»,- ասաց Քրիստինե Պողոսյանը`նախարարին հարց ուղղեկով.«Դուք երաշխավորո՞ւմ եք Ձեր բոլոր տեղակալների համար»:
Պատգամավորը հիշեցրեց, որ առողջապահության փոխնախարարներից մեկին վերջերս մեղադրանք առաջադրվեց`կոռուպցիոն գործարքների մեջ ներգրավված լինելու համար:
Բանը հասավ նրան, որ Արսեն Թորոսյանը լքեց նիստը:
Մանրամասները՝ տեսանյութում:
Նարեկ Կիրակոսյան
