17.11.2024 | 15:32
Աղվանի-Տաթև ավտոճանապարհին բեռնատարները մերկասառույցի պատճառով չեն կարողացել շարունակել ընթացքը
«Լուրջ չգիտե՞ք «Ալեքս հոլդինգը» ումն է». Երևանի քաղաքապետի խոսնակն ու ԲՀԿ ավագանու անդամը վիճում են. ՏԵՍԱՆՅՈՒԹ
Քաղաքականություն
28.11.2019 | 16:53
Երևանի քաղաքապետ Հայկ Մարությանի խոսնակ Հակոբ Կարապետյանի ասուլիսի ժամանակ Երևանի ավագանու «Բարգավաճ Հայաստան» խմբակցության անդամ Մարկոս Հարությունյանը հարց հնչեցրեց. «Էդ լո՞ւրջ եք ասում, որ չգիտեիք, որ «Ալեքս հոլդինգը» Սամվել Ալեքսանյանինն»։
Քաղաքապետի խոսնակն էլ պատասխանեց. «Պարոն Հարությունյան, սիրելի Մարկոս, եթե խնդիրը Ձեր հարցի էն է, որ Ձեր հարցը ձայնագրվի ու հնչի եթերում, ես դրա հետ որևէ խնդիր չունեմ, սիրով»։
«Դուք ինձ ճանաչում եք մի տարի, երկու ամիս, ձեր կարծիքն իմ մասին իրոք է՞դ ա, որ ես կարիք ունեմ եթերով երևալո՞ւ, դրա համար հա՞րց եմ տալիս», – ասաց Հարությունյանը։
Հակոբ Կարապետյանն էլ ասաց, թե մամուլի ասուլիսը լրագրողների հետ շփվելու համար է։
«Ինձ էնքան մարդ ա ճանաչում, էնքան տեղ եմ երևացել, գոնե, եթերով երևալու կարիք ընդհանրապես չունեմ», – ասաց «Բարգավաճ Հայաստան» խմբակցության անդամը։
«Լավ բաներ չեք անում, պարոն Կարապետյան, ընդդիմության հետ լարվածություն ունեք, ընդդիմության հետ լավ էլ պետք չի լինել, ընդդիմության հետ պետք է ընկերություն անել ու կառուցողական լինել, որովհետև ընդդիմությունը PR-ի կարիք չունի», – ասաց «Բագավաճ Հայաստան» խմբակցության մյուս անդամ Արմեն Ներսիսյանը և Մարկոս Հարությունյանի հետ լքեցին նիստերի դահլիճը։
«Վերնագրերը՝ և նրանք վրդովված դուրս եկան դահլիճից», – արձագանքեց Հակոբ Կարապետյանը՝ ավելացնելով. «Անկեղծ ասած, ես կարծում եմ՝ միայն մեռած մարդը PR անելու կարիք չունի»։
Մանրամասները՝ տեսանյութում:
Նարեկ Կիրակոսյան
