Քաղաքականություն
28.11.2019 | 15:31«Քաղաքապետն ասում էր չէ՞, ես չեմ հիշում ովքեր են նվիրատվություններ արել, բայց հաստատ Սամվել Ալեքսանյանը մեջը չէ, հիմա դա հաստատվեց. «Ալեքս հոլդինգ» ՍՊԸ-ն նվիրաբերել է երեք հատ բազմաֆունկցիոնալ կամազ»,- ֆեյսբուքյան ուղիղ հեռարձակմամբ ասաց ավագանու «Լույս» խմբակցության ղեկավար Դավիթ Խաժակյանը՝ անդրադառնալով երեկ ավագանու նիստից առաջ իրենց արված այն հայտարարությանը, որ ԱԺ նախկին պատգամավոր Սամվել Ալեքսանյանը քաղաքապետարանին «Կամազ» մակնիշի մեքենաներ է նվիրաբերել, որը քաղաքապետարանը գաղտնի է պահում:
«Մենք ճիշտ էինք, քաղաքապետը՝ սխալ»,- ֆեյսբուքի իր էջում գրել է ավագանու անդամը:
Հիշեցնենք, որ քիչ առաջ քաղաքապետի խոսնակ Հակոբ Կարապետյանը հրապարակել է նվիրատուների ցանկը:
