«Լարումներ եմ նկատում ընդդիմության նկատմամբ». ԲՀԿ-ականը գանգատվեց Մարությանին․ՏԵՍԱՆՅՈՒԹ

«Լարումներ եմ նկատում այստեղ և նկատում եմ ընդդիմության նկատմամբ լարվածություն։ Ուրեմն ասեմ Ձեզ, ընդդիմությունը նրա համար է, որ կարողանան սխալներն ասել, որովհետև ձեր իշխանության ավագանիները գուցե չեն նկատում։ Ինչի՞ պիտի ամեն անգամ մեզ հիշեցնեք, որ գիտեք՝ ինչ կա, երևանցիները տեսնում են, թե դուք ինչով եք զբաղվում։ Ինչո՞վ ենք զբաղվում։ Սա ի՞նչ խոսելու ձև է։ Սա հարիր չէ նաև Ձեզ՝ կնոջ հետ խոսելը, միգուցե հրավիրեիք, ասեիք՝ եկեք զրուցենք, տեսնենք»,- դիմելով քաղաքապետ Հայկ Մարությանին՝ ասաց Երևանի ավագանու ԲՀԿ-ական անդամ Արմեն Ներսիսյանը։

Քաղաքապետը պատասխանեց, թե իր համար կապ չունի՝ մարդը կա՛մ ճիշտ է խոսում, կա՛մ սուտ:

«Ինձ համար կապ չունի՝ որ ֆրակցիայից է այդ մարդը։ Եթե ասվում է ակնհայտ սուտ, այո՛, ես պետք է ասեմ, որ դա սուտ է։ Ես ժամանակ չունեմ մարդուն հրավիրել։ Ձեր հորդորը տեղին էր, բայց հասցեատերը սխալ էր»,- հավելեց նա:

Արմեն Ներսիսյանը հիշեցրեց նաև քաղաքապետի խոստումը, թե «կարմիր գծերից» ստացված եկամուտը պետք է ուղղեն մանկապարտեզների ֆինանսավորմանը. «Ե՞րբ է կառուցվելու առաջին մանկապարտեզը «կարմիր գծերի» եկամուտով»։

Հայկ Մարությանը պատասխանեց. «Ես երբեք չեմ ասել, որ «կարմիր գծերը» պետք է վերանան։ Ամբողջ աշխարհում կայանման համար քաղաքացին պետք է վճարի։ Ունենք վարկ, որը մենք մարում ենք, մի փոքր գումար է մնում, որոնք մանկապարտեզ ենք վերանորոգում»։

Մանրամասները՝ տեսանյութում:

Ռոբերտ Անանյան