12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Արդյո՞ք «Երևան» հիմնադրամն էլ ենթարկվեց պերֆորմանսի և դարձավ «ռեկետի միջոց»․ Թեհմինա Վարդանյանը՝ Հայկ Մարությանին. ՏԵՍԱՆՅՈՒԹ
Քաղաքականություն
26.11.2019 | 17:41
«Խոսակցություններ են պտտվում, որ Դուք և Ձեր տեղակալը կառուցապատողներից պահանջում եք, որ շինթույլտվության համար կառուցապատողը բնակարանների հինգ տոկոսը պետք է տա համայնքին, կա՞ նման բան։ Արդյո՞ք Երևան հիմնադրամն էլ ենթարկվեց պերֆորմանսի և դարձավ «ռեկետի միջոց»,- Երևանի ավագանու այսօրվա նիստի ժամանակ քաղաքապետ Հայկ Մարությանին հարց ուղղեց «Լույս» խմբակցության անդամ Թեհմինա Վարդանյանը։
Քաղաքապետը պատասխանեց, թե ոչ մի կապ չունի նրա ու իր ասածի մասին. «Մարդիկ նվիրատվություն են անում քաղաքին՝ որպես կորպորատիվ, սոցիալական պատասխանատվություն։ Շինթույլտվություններն իրենց հունով գնում են։ Շատ մարդիկ ուզում են բարեգործություն անել, բայց չեն ուզում իրենց անունը տալ»։
Թեհմինա Վարդանյանն արձանագրեց, որ իր բնորոշումը ճիշտ էր՝ «Երևան» հիմնադրամը ենթարկվել է պերֆորմանսի։
«Քաղաքացիները բողոքում էին, որ Տարոն Մարգարյանը շինթույլտվության համար պահանջում էր «Երևան» հիմնադրամ մուտքագրել գումարներ, որտեղից ծախս էր արվում։ Այն ժամանակ էլ կարող էր Տարոն Մարգարյանն ասել՝ կան բարեգործներ»,- ասաց Վարդանյանը։
Հայկ Մարությանն արձագանքեց. «Դա հերթական սուտն է։ Շաբաթներ առաջ պատվիրվել են պատվոգրեր, որոնք տալու ենք համայնքին օգնած մարդկանց»։
Մանրամասները՝ տեսանյութում:
Ռոբերտ Անանյան
