01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Այս մոտեցմամբ սոցիալական արդարության սկզբունքը չի վերականգնվելու․ Արթուր Սաքունց
Հասարակություն
11.10.2017 | 15:57
Բոլորովին համաձայն չեմ պաշտպանության նախարարի հետ, որ Ազգ- բանակի մոտեցումները պայմանավորված չեն ժողովրդագրական խնդիրներով: Միանշանակ` պայմանավորված են: Ակնհայտ են վիճակագրական տվյալները, և պարզ է, որ բնակչության թվի նվազմանը զուգահեռ` պետք է բանակը ապահովվի անհրաժեշտ թվակազմով: Դա աքսիոմատիիկ է. Աժ-ում «Զինապարտության և զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումների ընթացքում հայտարարեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
Նա նաև անդրադարձավ այն պնդումներին, թե սրանով փորձ է արվում վերականգնել սոցիալական արդարությունը: «Եթե մենք ուզում ենք բոլորին զորակոչել` իբր պահպանելու համար սոցիալական արդարության սկզբունքը, դա համարում եմ պատժողական մոտեցում: Ինչո՞ւ: Այն կոռուպցիոն ռիսկերը, որոնք շեշտվեցին` կրթությունը, լծակները` ծառայելուց խուսափելու համար, հիմա էլ կօգտագործվեն: Հիմա էլ փողը կտան կգնան Քեմբրիջ, որ խուսափեն: Իսկ փողատերերը գիտենք ովքեր են: Քադաֆիի որդին էլ էր Քեմբրիջում սովորում, ի դեպ: Այնպես որ` սա սոցիալական արդարության խնդիր չի լուծելու»,- ընդգծեց Սաքունցը:
Իրավապաշտպանը նաև առաջարկեց, որ զինակոչիկների առողջական վիճակը ոչ միայն զորակոչից առաջ ստուգվի, այլև` զորացրվելուց հետո, որպեսզի հստակ լինի, թե ծառայության ընթացքում զինվորի առոջղական վիճակը ինչ փոփոխություն է կրել, և այդպիսով` պետությունը իրացնի իր սոցիալական պատասխանատվությունը զինվորի հանդեպ:
Մանրամասները՝ տեսանյութում:
