07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Իսրայելը կրկին ներխուժել է Լիբանանի օդային տարածք
Քաղաքականություն
26.11.2019 | 16:50
Իսրայելական ռազմական օդանավերն այսօր առավոտյան կրկին ներխուժել են Լիբանանի օդային տարածք և անցել երկրի հարավային և ափամերձ շրջաններով: Այս մասին գրում է սիրիական ՍԱՆԱ գործակալությունը:
Լիբանանյան բանակի ներկայացուցիչները հաղորդել են, որ իսրայելական հետախուզական և ռազմական օդանավերը Լիբանանի օդային տարածքը խախտել են Ռաս Ան-Նակուրա բնակավայրում և շրջան կատարել Բեյրութի թաղամասերի ու արվարձանների, Բաաբդայի, Ջունիի, Աշ-Շուֆայի, Բաալբեքի և Բեքաա հովտի վրայով: Այնուհետև օդանավերը հեռացել են Պաղեստինի ուղղությամբ:
Նախօրեին էլ լիբանանյան բանակի հրամանատարությունը հայտարարություն էր տարածել, որ իսրայելական 8 օդանավեր և 3 ռազմական մոտորանավեր ներխուժել են երկրի օդային տարածք և տարածքային ջրեր:
