Պարո՛ն քաղաքապետ, մի՛ սադրեք մեզ, դադարեցրե՛ք մանիպուլյացիայի մշակույթը. Թեհմինա Վարդանյանը՝ Մարությանին. ՏԵՍԱՆՅՈՒԹ

«Ուզում եմ Ձեզ հորդորել այս մանիպուլյատիվ գործելաոճը, որովհետև ես ևս բախվել եմ դրան, երբ անհայտ ծագման անձին, որն առաջին անգամ էր նիստերի դահլիճում և նրա անուն-ազգանունը չգիտեի, խոսքը գնում է Աղբահանության հիմնարկը ղեկավարող ԺՊ-ի անձին, երբ նրա անունը չիմանալով նրան ասեցի՝ ԺՊ, ինչը նշանակում է ժամանակավոր պաշտոնակատար, Դուք նույն մանիպուլյատիվ ոճով սկսեցիք ինձ մեղադրել, ասացիք՝ եթե Ձեզ ասեն՝ անդամ, դա նորմա՞լ է: Այսօր նույն բանը ես տեսա տիկին Առաքելյանի հարցի հետ կապված։ Մեր ասածները փորձում եք մանիպուլյացիա անել և այլ կոնտեքստով ներկայացնել։ Պարո՛ն քաղաքապետ, դադարեցրե՛ք մանիպուլյացիայի մշակույթը, մի՛ սադրեք մեզ և ժողովրդի աչքին լավը երևալու համար ասեք՝ օ՛, ընդդիմությունը: Հերիք է»,- Երևանի ավագանու նիստում ունեցած ելույթում ասաց «Լույս» խմբակցության անդամ Թեհմինա Վարդանյանը։

Հիշեցնենք, որ «Իմ քայլը» խմբակցությունն Իրավական հարցերի հանձնաժողովի նախագահի տեղակալի պաշտոնում առաջարկել էր Արմեն Գալջյանի թեկնածությունը:

ԲՀԿ խմբակցության անդամներից Հռիփսիմե Առաքելյանը հարցը զեկուցող Հասմիկ Խաչունցից հետաքրքրվել էր՝ ի՞նչ սկզբունքով են հանգել Գալջյանի թեկնածությանը. «Խմբակցությունում ունեք էլի իրավաբաններ, որոնք շատ ավելի ներկայանալի են, ներկայացուցչական և հասանելի։ Կխնդրեմ պարզաբանել»։

Հայկ Մարությանը դիտողություն էր արել տրված գնահատականների հետ կապված։

Մանրամասները՝ տեսանյութում:

Ռոբերտ Անանյան