15.10.2026 | 14:13
Շվեյցարիան աջակցում է ՀՀ-Ադրբեջան խաղաղության պայմանագրի ստորագրման գործընթացին. Իգնասիո Կասիս
Աշխարհի 170 երկիր հրաժարվել Է մահապատժից. ՄԱԿ
Քաղաքականություն
11.10.2017 | 12:32
Մահապատժից հրաժարված երկրների թիվը հասել է 170-ի, իսկ պատժի առավելագույն չափի կիրառման հաստատված դեպքերի 87 տոկոսը բաժին է ընկնում չորս երկրների՝ Իրաք, Իրան, Պակիստան և Սաուդյան Արաբիա: Այս տվյալները հրապարակել Է ՄԱԿ-ը Մահապատժի դեմ համաշխարհային օրվա կապակցությամբ, որը նշվում Է հոկտեմբերի 10-ին, տեղեկացնում Է tass.ru-ն:
Նյու Յորքի ՄԱԿ-ի կենտրոնակայանում ելույթ ունենալիս ՄԱԿ-ի գլխավոր քարտուղար Անտոնիու Գուտերեշը հայտարարել Է, որ «21-րդ դարում մահապատիժը տեղ չունի»:
«Շուրջ 170 պետություններ կա՛մ չեղարկել են այն, կա՛մ դադարեցրել դրա կիրառումը: Անցած ամսին աֆրիկյան երկու երկիր՝ Գանբիան և Մադագասկարը, կարևոր քայլեր են կատարել մահապատժի վերջնական չեղարկման ուղղությամբ»,- ասել Է ՄԱԿ-ի վարչական ղեկավարը:
Նրա խոսքով՝ 2016 թվականին ի կատար ածված մահավճիռների թվաքանակը նախորդ տարվա համեմատությամբ կրճատվել Է 37 տոկոսով:
Ներկա պահին ԱՄՆ-ը շարունակում է մնալ միակ հզոր արևմտյան պետությունը, որտեղ հանցագործներին կյանքից զրկում են: Մահապատիժը որպես առավելագույն պատժաչափ գործում Է ԱՄՆ-ի 50 նահանգներից 31-ում: 1976 թվականից ի վեր երկրում կյանքից զրկվել են 1,4 հազարից ավելի դատապարտյալ:
Հետազոտողների տվյալներով՝ 17-րդ դարից ի վեր ԱՄՆ-ի տարածքում մահապատժի Է ենթարկվել ավելի քան 15 հազար մարդ:
