03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Ֆրանսիայում հեղեղումների հետևանքով զոհերի թիվը հասել է 4-ի
Քաղաքականություն
25.11.2019 | 16:21
Ֆրանսիական Վար դեպարտամենտում հեղեղումների հետևանքով զոհվածների թիվը հասել է չորսի: Այս մասին գրում է ՌԻԱ Նովոստին՝ վկայակոչելով BFMTV-ն:
Ավելի վաղ հաղորդվել էր երկու դի հայտնաբերելու մասին: Առաջին մարմինը գտել են Լը Մյուի կոմունայում, երկրորդը՝ Կաբաս քաղաքում, ավտոմեքենայի մեջ:
«Անվտանգության և փրկարար ծառայությունները, որոնք զբաղվում են Վարում ջրհեղեղներով, Տաներոն կոմունայում երկու մարմին են գտել և զույգի ավտոմեքենա, որը անհետ կորած էր համարվում»,- նշել են պրեֆեկտուրայում:
Բացի այդ՝ փրկարարները շարունակում են որոնել 77-ամյա տղամարդու, որը կորել է Սենտ Անտոնեն դյու Վար կոմունայում:
Նշենք, որ հորդառատ անձրևների և ջրհեղեղների հետ կապված շաբաթ Ֆրանսիայի հարավ-արևելյան երկու դեպարտամենտներում օդերևութաբանական վտանգի կարմիր մակարդակ է հայտարարվել, իսկ կիրակի եղանակային վտանգի մակարդակը իջեցվել է նարնջագույնի:
Բազմաթիվ ավտոճանապարհներ և մայրուղիներ փակվել են, Լազուրե ափում դադարեցվել է գնացքների երթևեկությունը:
