18.10.2026 | 18:54
Սպասելու ժամանակ չունենք․ Նիկոլ Փաշինյանը՝ COP17-ի բացման արարողությանը․ ՏԵՍԱՆՅՈւԹ
Սորոսի մասին Վանեցյանի հայտարարությունները տարակուսանք են առաջացնում, եթե վտանգ տեսներ, ԱԱԾ տնօրենի պաշտոնում քայլեր կձեռնարկեր. Լիլիթ Մակունց. ՏԵՍԱՆՅՈՒԹ
Քաղաքականություն
25.11.2019 | 12:14
Արթուր Վանեցյանի հայտարարություններն ինձ մոտ տարակուսանք են առաջացնում, ենթադրում եմ՝ դրա պարզաբանումը նա կտա: Այս մասին ԱԺ-ում ասուլիսի ժամանակ ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ԱԱԾ նախկին տնօրեն Արթուր Վանեցյանի հայտարարությանը, թե «Սորոսի գրասենյակը» ՀՀ-ում վտանգներ է պարունակում:
«Այն մեկնաբանությունները, որոնք արվում են «Բաց հասարակության հիմնադրամների» վերաբերյալ, արվում էին դեռ վաղուց՝ այն ժամանակ, երբ պարոն Վանեցյանն ԱԱԾ տնօրեն էր: Գրեթե ամեն օր էին արվում այդ հայտարարությունները, և ես վստահ եմ, որ եթե ազգային անվտանգությանն առնչվող հարց լիներ, վստահ եմ, որ պարոն Վանեցյանը կձեռնարկեր բոլոր անհրաժեշտ քայլերը: Եթե պարոն Վանեցյանն այդ գործողությանը չի դիմել, պետք է վստահ լինենք, որ վտանգ չի տեսել»,- նշեց նա:
Ըստ Լիլիթ Մակունցի՝ սովորաբար խոսում ենք անձերի գործողությունների մասին, բայց ինստիտուտներն անձերով չպետք է պայմանավորել, եթե նախկինում Վանեցյանը վտանգ չի տեսել, վստահ է, որ դա հիմնված է եղել վերլուծությունների, զեկույցների վրա:
Հիշեցնենք, որ 168.am-ին տված հարցազրույցում անդրադառնալով հարցին՝ արդյո՞ք «Սորոսի գրասենյակի» գործունեությունը ՀՀ-ի համար վտանգներ պարունակում է, Արթուր Վանեցյանն ասել էր. «Եթե կարճ պատասխանենք՝ այո՛»:
Մանրամասները՝ տեսանյութում:
Նարեկ Կիրակոսյան
