11.12.2024 | 19:36
Թուրքական TRT-ի լրագրողները սիրիական Մանբիջում քրդերի կողմից ԱԹՍ-ի հարձակման են ենթարկվել
Հերթով բոլոր դպրոցները վերակառուցելու ու վերանորոգելու ենք, պարզապես ժամանակ է պետք. նախարարը՝ Դրախտիկի դպրոցի մասին
Հասարակություն
24.11.2019 | 16:36
ՀՀ կրթության, գիտության, մշակույթի և սպարտի հարցերով նախարար Արայիկ Հարությունյանն արձագանքել է Դրախտիկի դպրոցի վերաբերյալ տարածվող հրապարակումներին:
«Սիրելի հայրենակիցներ, ֆեյսբուքում այս ժամերին տարածվում են Դրախտիկի դպրոցի վիճակի սարսափելի լուսանկարները: Ես գիտեմ այդ խնդրի մասին, անձամբ եմ եղել այդ դպրոցում: Մենք այսպիսի դպրոցներ հարյուրներով ժառանգություն ենք ստացել նախորդներից: Սա մեկ միլիոն, երկու միլիոն, քսան միլիոն և նույնիսկ հարյուր միլիոն դրամի խնդիր չէ: Դպրոցները վերակառուցելու ու վերանորոգելու համար մեզ անհրաժեշտ են հարյուրավոր միլիոն դոլարներ:
?Գիտեք, որ անցած մեկուկես տարում տասնյակ դպրոցներում սկսվել են վերանորոգումներն ու վերակառուցումները, շուտով, որպես տարվա ամփոփում, համապարփակ տվյալներ կներկայացնենք: Միայն հաջորդ տարի մեր բյուջեով կապիտալ ծախսերը չորս անգամ ավելացել են: Հերթով բոլոր դպրոցները վերակառուցելու ու վերանորոգելու ենք: Մեզ պարզապես ժամանակ է պետք:
?Այսօր խոսել եմ մարզպես Գնել Սանոսյանի հետ: Դպրոցը մարզային ենթակայության է: Մարզպետը տեղեկացրեց, որ այս տարի տարբեր միջոցներով իրականացրել են պատուհանների փոփոխություն: Այս պահին այլ լուծումներ էլ են տալիս, տարվում են աշխատանքներ դպրոցը գազով ջեռուցելու համար»,- գրել է նա:
Հիշեցնենք, որ factor.am-ը դեռ նախորդ տարվա օգոստոսին էր անդրադարձել Դրախտիկ գյուղի դպրոցի անմխիթար վիճակին՝ հրապարակելով «ԵՎ ՄԻ ԿՈՐՍՎԱԾ ԴՐԱԽՏԻԿ. Կյանքը նոր Հայաստանի հին գյուղերում» վերտառությամբ տեսանյութը:
