19.05.2026 | 11:11
Տեղ ենք հասել, ժողովուրդ․ Փաշինյանը դիմեց արցախցիներին․ ՏԵՍԱՆՅՈՒԹ
Համայնքապետերը չեն պատասխանում տեղեկատվության մասին հարցումներին. վախենո՞ւմ են կոռուպցիոն բացահայտումներից
Հասարակություն
10.10.2017 | 19:00
Հայաստանի 793 համայնքից 578-ը, կամ՝ 72, 9 տոկոսը հրաժարվել են պատասխանել օրենքով սահմանված կարգով տեղեկություն ստանալու մասին հարցումներին: Այս պատկերն արձանագրվել է Ժուռնալիստների «Ասպարեզ» ակումբի տեղական ինքնակառավարման մարմինների աշխատանքի թափանցիկության 2017 թվականի մոնիտորինգի տարեկան զեկույցում:
Ակումբի նախագահ Լևոնի Բարսեղյանն այսօր ՏԻՄ-երի աշխատանքի վերաբերյալ թվային տվյալներ ներկայացրեց: Նրա խոսքով՝ իրենց հիմնական նպատակն է բարելավել տեղական ինքնակառավարման թափանցիկության, հաշվետվողականության և հանրային մասնակցության մակարդակը:
Ուսումնասիրման առանցքում են եղել տեղեկության հարցումներին համայքների ղեկավարների արձագանքման որակը և ժամկետները, հանրային լսումներ անցկացնելու իրավիճակը, համայնքապետի կողմից հրապարակվող տեղեկությունների պաշարները, ավագանու նստավայրի գոյությունը և ավագանու նիստերի մատչելիությունը քաղաքացիների համար:
Լևոնի Բարսեղյանի ներկայացմամբ՝ այս տարվա ընթացքում իրենք հարցումներ են ուղարկել տարբեր մարզերի 793 համանյքապետների:
Ուղարկված հարցումներին ամենաակտիվը պատասխանել են Լոռու մարզից.107 համայնքապետից 68-ը անպատասխան չի թողել հարցումները: Լոռու մարզին հաջորդում է Շիրակի մարզը, ապա Վայոց ձորը: Պասիվությամբ աչքի են ընկել Արագածոտի և Արմավիրի մարզերը, առաջինի դեպքում 114 հարցումից արձագանքել են միայն 10-ը, իսկ երկրորդի դեպքում՝ 97-ից 14-ը:
Երևանը ներառյալ ընդհանուր առմամբ՝ հարցումներին լիարժեք պատասխանել է համայնքների 17.5 տոկոսը, թերի պատասխան է ստացվել 9.6 տոկոսի դեպքում:
Լևոն Բարսեղյանի գնահատմամբ՝ հիմնականում համայնքի ղեկավարներն ալարում են պատասխանել հարցումներին:
