15.11.2024 | 14:16
Ունեմ դատավորին բացարկի հիմք, չունեմ կարգավիճակ. Քոչարյանի պաշտպան․ ՏԵՍԱՆՅՈՒԹ
Իրաքը դեպի Թուրքիա նավթի արտահանման այլընտրանքային ուղի է փնտրում
Քաղաքականություն
10.10.2017 | 20:02
Հյուսիսային Իրաքի քրդական ինքնավարության անկախության հանրաքվեից հետո Իրաքի կենտրոնական իշխանությունները Քուրդիստանի նկատմամբ տարբեր սահմանափակումներ են կիրառում։ Նույն նպատակով փորձ է արվում այլընտրանք գտնել Իրաքից քրդական տարածքով դեպի Թուրքիա ձգվող նավթամուղի համար։ Թուրքական «Sözcü» թերթի կայքի տեղեկացմամբ՝ որպես այդպիսին նախապատվություն է տրվել արդեն իսկ գոյություն ունեցող հին նավթամուղի վերանորոգման նախագծին, փոխանցում է ermenihaber-ը:
Թեմայի վերաբերյալ հայտարարություն կատարած Իրաքի նավթի նախարարությունը տեղեկացրել է, որ իրենք պատրաստվում են Քերքյուք –Ջեյհան նավթամուղով նավթի օրական արտահանման ծավալները հասցնել 400․000 բարելի։
Թուրքիայի Բիլքենթ համալսարանի դասախոս Նեջդեթ Փամիրի խոսքով՝ նոր նավթամուղի շահագործումը Քուրդիստանի դեմ ուղղված յուրատեսակ պատժամիջոց է։ Փամիրը նշել է, որ Իրաքից Թուրքիա նավթի ներմուծման համար մինչև Ջեյհան քաղաք հասնող երկու նավթատար ուղի կա, որոնք համատեղ կարող են մինչև 1․4 մլն բարել նավթ տեղափոխել։
Հավելենք, որ երեկ Իրաքի վարչապետ Հայդար էլ-Իբադի նախագահությամբ գումարված Իրաքի ազգային անվտանգության խորհրդի նիստում բարձրացվել էր նորանկախ Քուրդիստանի հետ բոլոր տեսակի առևտրական հարաբերությունների և մասնավորապես՝ նավթի առևտրի դադարեցման և այս ոլորտում միայն Բաղդադի հետ համագործակցելու հարցը։
