07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Պետական դավաճանությանը համարժեք է, եթե օտարերկրյա որևէ աղբյուրից կուսակցությունն անգամ մեկ լումա վերցնի․ Խաչիկ Հարությունյան. ՏԵՍԱՆՅՈՒԹ
Քաղաքականություն
22.11.2019 | 12:33
Քաղաքական դաշտ ապօրինի մուտքերի հետ կապված իմ ասածը մի քիչ կարող է ցցուն թվալ, բայց ինձ համար պետական դավաճանությանը համարժեք է, եթե օտարերկրյա որևէ աղբյուրից որևէ կուսակցություն անգամ մեկ լումա վերցնի։ Այս մասին «Կուսակցությունների մասին» օրենքի փոփոխությունների շուրջ քննարկումների ժամանակ ասաց «Թրանսփարենսի Ինթերնեշնլ հակակոռուպցիոն կենտրոն»-ի փորձագետ Խաչիկ Հարությունյանը։
«Մենք ունենք սփյուռք, բայց ինձ թվում է, որ մեզ համար չպետք է դառնա անեծք, այլ պետք է դառնա հնարավորություն։ Սրա հետ կապված մենք պետք է կարողանանք գտնել մի այնպիսի ձևաչափ, որ սփյուռքն ինքը, եթե անգամ մասնակցի քաղաքական գործունեություն իրականացնող կառույցների ֆինանսավորմանը, այնպես մասնակցի, որպեսզի որևէ ռիսկ չլինի, որ սփյուռքին կարող են օգտագործել օտարերկրյա այլ կենտրոնները, գեոպոլիտիկ այլ կենտրոնները։ Մեր քաղաքական դաշտը պետք է անկախ լինի որևէ ֆինանսական ազդեցությունից որևէ գեոպոլիտիկ կենտրոնից։ Սա պետք է առաջնահերթություն լինի»,- նշեց Խաչիկ Հարությունյանը։
Մանրամասները՝ տեսանյութում։
