Քաղաքականություն
10.10.2017 | 17:51
Եվրախորհրդի խորհրդարանական վեհաժողովի նախագահ ընտրվեց Ստելա Կիրյակիդիսը: Այս մասին Facebook-ի իր էջում գրել է ԵԽԽՎ-ում հայաստանյան պատվիրակության ղեկավար Արփինե Հովհաննիսյանը:
«ԵԽԽՎ նախագահ ընտրվեց Ստելա Կիրյակիդիսը` չնայած բոլոր այն աննախադեպ ճնշումներին, որ ԵԺԿ խմբի ղեկավարության ու բավական թվով անդամների կողմից կային նրա նկատմամբ: ԻՆչպես եվրոպացի գործընկերներիցս մեկը ճշգրիտ նկատեց «Այս ընտրությամբ Վեհաժողովը ինքն իրեն վերադարձրեց հույսը»: Նկատի ուներ, որ Վեհաժողովը չափազանց դժվարին պայմաններում, ի հակառակ մի շարք լոբբիստական ուղղությունների կարողացավ միավորվել իրականում անաչառ թեկնածուի շուրջ: 132 քվե Ստելլա Կիրյակիդիս 84 քվե Էմանուելիս Զինգերիս»,- գրել է նա:
Նշենք, որ ԵԽԽՎ նախագահի պաշտոնի համար կար երկու թեկնածու`Ստելլա Կիրյակիդեսը՝ Կիպրոսից և Էմանուելիսա Զինգերիսը՝ Լիտվայից։ Հայկական պատվիրակությունը նախապատվությունը տվել է Կիպրոսի թեկնածուին:
