25.06.2026 | 12:57
Ռումինիայի Պատգամավորների պալատն առանց քվեարկության հաստատել է Մոլդովայի հետ միավորման մասին օրինագիծն ու ուղարկել Սենատ
«Այրվել է մոտ 300 քմ տարածք, տուժածներ չկան». Ֆելիքս Ցոլակյան. ՏԵՍԱՆՅՈՒԹ
21.11.2019 | 15:51
Տուժածներ չկան, հրդեհաշիջման աշխատանքները շարունակվում են: Այս պահին առկա տվյալներով՝ այրվել է մոտ 300 քմ տարածք: Այս մասին այսօր լրագրողների հետ զրույցում նշեց ՀՀ արտակարգ իրավիճակների նախարար Ֆելիքս Ցոլակյանը:
Ըստ նրա՝ հրդեհի օջախը գտնվում է «Դոլմամա» ռեստորանում: «Հրդեհը բռնկվել է «Դոլմամայի» տանիքում և տարածվել մինչև հարակից «Պրովանս» ռեստորան: Այն հասել է գրեթե մինչև երկրորդ հարկ, սակայն վտանգ չի ներկայացնում»,- ասաց Ցոլակյանը:
Factor.am-ի հարցին, թե արդյոք հրդեհի պատճառը հայտնի է, ԱԻ նախարարը պատասխանեց. «Պատճառներն առայժմ հայտնի չեն»:
Նախարարի տեղեկացմամբ՝ դեպքի վայրում փրկարարական ջոկատի 10 մարտական հաշվարկ է աշխատում, բերվել է 2 ավտոսանդուղք:
Հիշեցնենք, որ այսօր՝ ժամը 13:59-ին, «911» ծառայություն ահազանգ է ստացվել, որ Երևանի Աբովյան և Պուշկինի փողոցների խաչմերուկում՝ երկհարկանի շինության տանիքում, հրդեհ է բռնկվել: Ավելի ուշ պարզվել է, որ հրդեհը բռնկվել է Աբովյան 10 հասցեում գտնվող ռեստորանի տանիքում և որ այրվում են տանիքի փայտյա կառուցատարրերը:
Մանրամասները՝ տեսանյութում:
Նելլի Մելքոնյան
