03.06.2026 | 22:44
ԵՄ-ն ու Ադրբեջանը վերսկսում են երկկողմ համաձայնագրի շուրջ բանակցությունները
Երևանում այսօր մեկնարկել է «ԵՏՄ-ում տեխնիկական կանոնակարգման համակարգը» խորագրով համաժողովը
Տնտեսություն
10.10.2017 | 14:49
Եվրասիական տնտեսական հանձնաժողովի (ԵՏՀ) հետ համագործակցության շրջանակում Երևանում այսօր մեկնարկել է «Եվրասիական տնտեսական միությունում տեխնիկական կանոնակարգման համակարգը» խորագրով համաժողովը։ Այն կազմակերպել է ՀՀ տնտեսական զարգացման և ներդրումների նախարարության Շուկայի վերահսկողության տեսչական մարմինը։
Անդամ-պետությունների համար ԵՏՀ-ն պարբերաբար նման հանդիպումներ է կազմակերպում՝ ներկայացնելու մշակված և շրջանառության մեջ դրված նոր տեխնիկական կանոնակարգերը։ Ինչպես նշեց ԵՏՀ տեխնիկական կանոնակարգման և հավատարմագրման դեպարտամենտի ղեկավարի տեղակալ Լիլի Մաքսուդյանը, իրենց մասնագետները կներկայացնեն 10 նոր կանոնակարգ, Հայաստանի մասնագետների հետ կքննարկեն ԵՏՄ միասնական դաշտում աշխատելիս ծագող խնդիրները։ Նպատակը հստակ աշխատող համակարգի ձևավորումն է՝ տնտեսվարողների համար ապրանքների արտահանման և ներմուծման առումով հնարավորինս պարզ և անխոչընդոտ միասնական շուկա ձևավորելը։
Մաքսուդյանը մասնավորապես նշեց, որ միասնական դաշտում աշխատելու արդյունքներն արդեն նկատելի են. շատ տնտեսվարողներ հավատարմագրման համար այլևս սահմանափակումներ չունեն և հաճախ հավատարմարգում անում են ոչ այն երկրում, որտեղ հիմնական գործունեություն են ծավալում, այլ դիմում են ԵՏՄ անդամ այլ պետությունների։
Ապրանքների գնահատման առումով չափումների միասնականության ապահովման համակարգը, ԵՏՄ-ում ոչ պարենային ապրանքների համապատասխանության գնահատումը պետական գրանցման ձևով, թեթև արդյունաբերության, օծանելիքի և կոսմետիկ միջոցների, երեխաների և դեռահասների համար նախատեսված արտադրանքի անվտանգության տեխկանոնակարգերի կիրառման առանձնահատկությունները համաժողովի երկօրյա քննարկման թեմաներից են։
