27.04.2026 | 13:14
Հեռուստատեսային ալիքների հեռարձակումը ժամանակավորապես կդադարեցվի
ՍԴ դատավորները հարկադրաբար չեն կարող թոշակի ուղարկվել. Իվետա Տոնոյան. ՏԵՍԱՆՅՈՒԹ
Քաղաքականություն
20.11.2019 | 12:25
ՍԴ դատավորներին վաղաժամ թոշակի ուղարկելու նախագծի հապճեպությունն ինձ համար առավել քան տարօրինակ է: ԱԺ ճեպազրույցների ժամանակ ասաց «Բարգավաճ Հայաստան» խմբակցության պատգամավոր Իվետա Տոնոյանը։
«Առավել քան վստահ եմ, որ հարկադրաբար որևէ դատավոր չի կարող թոշակի ուղարկվել։ Բոլոր գործողությունները պետք է տեղի ունենան բացառապես իրավական հարթության մեջ։ Միաժամանակ, ինձ համար անհասկանալի է արդարադատության նախարարի այն դիտարկումը, որ սա նպատակ ունի պարզելու դատավորների բարեվարքության հետ կապված հարցը», – ասաց պատգամավորը։
Անդրադառնալով քրեական ենթամշակույթի վերաբերյալ օրինագծին՝ նա շեշտեց, որ օրենքը ծայրից ծայր խոցելի է։ «Մենք լուրջ մտահոգություններ ունենք, այդ իսկ պատճառով դեմ ենք քվեարկել», – պարզաբանեց Իվետա Տոնոյանը։
Մանրամասները՝ տեսանյութում:
Նարեկ Կիրակոսյան
