07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Յուրաքանչյուր քաղաքական գործիչ խոսելու իրավունք ունի. ԼՀԿ պատգամավորը՝ Սերժ Սարգսյանի երկխոսության մասին. ՏԵՍԱՆՅՈՒԹ
Քաղաքականություն
20.11.2019 | 11:41
Ազգային ժողովը երեկ առաջին ընթերցմամբ ընդունեց «Բանկային գաղտնիքի մասին օրենքում փոփոխություններ և լրացումներ կատարելու մասին» օրենքի նախագիծը, ինչը լայն քննարկումների առիթ էր դարձել։
Նշենք, որ նախագծով թույլատրվում է քրեական հետապնդում իրականացնող մարմիններին ստանալ ոչ միայն գործին անմիջապես առնչվող անձի, այլև նրա ընտանիքի անդամների և փոխկապակցված անձանց բանկային տվյալները:
Նախագծի համաձայն՝ գաղտնիք պարունակող տեղեկությունները կարող են ստանալ միայն քննիչի պահանջով, այսինքն՝ առանց դատարանի որոշման։ «Լուսավոր Հայաստան» խմբակցությունը դեմ է քվեարկել այս նախագծին։ Խորհրդարանական ճեպազրույցների ժամանակ այս մասին հայտարարեց խմբակցության պատգամավոր Արկադի Խաչատրյանը։
«Իհարկե, մենք դեմ չենք, որ քննչական մարմիններն ունենան անհրաժեշտ բոլոր լծակները բավարար և ամբողջական քննություն իրականացնելու համար, սակայն նախագիծը ներկայացված խմբագրությամբ տրված է այնպես, որ այնտեղ ոչ թե հասանելիություն է տրվում բանկային գաղտնիքին, այլ տրվում է բանկային գաղտնիքին հասանելիություն ստանալու նպատակով խուզարկության կամ առգրավում իրականացնելու համար, ինչը նշանակում է, որ 3-րդ անձի նկատմամբ կարող է իրականացվել խուզարկություն և առգրավում բանկային գաղտնիքի ստանալու համար, բայց հասկանալի է, որ այդ խուզարկության և առգրավման արդյունքում քննչական մարմիններին կարող են հայտնի դառնալ ոչ միայն գաղտնիք կազմող տեղեկությունները, այլև ուիրշ տեղեկություններ՝ մարդու անձնական կյանքին վերաբերող, առևտրային գաղտնիքին և այլ գաղտնիքների, որոնք տվյալ քրեական գործի շրջանակից դուրս է»,- ասաց Արկադի Խաչատրյանը։
Պատգամավորը նաև մտահոգություն ունի, որ այս օրինագծով պայմանավորված՝ որոշակի գործարքների հետևանքով հնարավոր է բանկային համակարգից գումարներ դուրս գան և կանխիկ շրջանառություն մեջ մտնեն։
«Գիտեք, որ բանկային համակարգում գործում է փողերի լվացման դեմ պայքարի համակարգեր, և սա զսպող նշանակություն ունի»,- ընդգծեց նա։
Անդրադառնալով ներքաղաքական հարցերին՝ մասնավորապես Կրթության, գիտության, մշակույթի և սպորտի նախարար Արայիկ Հարությունյանի հրաժարականի պահանջին, Արկադի Խաչատրյանը հստակ չմեկնաբանեց խմբակցության դիրքորոշումը այդ հարցով։ Նա միայն նշեց, որ խմբակցությունում քննարկում են ունեցել և վատ աշխատող նախարարներին են առանձնացրել։
«Կան նախարարներ, որոնց աշխատանքից, մեղմ ասած, գոհ չենք, բայց նրանց անունները չենք հնչեցնում, բայց մոտ ապագայում այդ հարցով կդիմենք Կառավարությանը»,- հավելեց նա։
Անդրադառնալով այն հանգամանքին, որ Սերժ Սարգսյանը պատրաստվում է առաջիկայում երկխոսել հանրության հետ, ինչ կարծիք ունի՞, պատգամավորը նշեց՝ յուրաքանչյուր քաղաքական գործիչ իրավունք ունի կարծիք հայտնելու:
Մանրամասները՝ տեսանյութում:
