08.12.2025 | 17:53
ԱԱ-2026-ի ֆավորիտները՝ ըստ Goal.com-ի
ՀՀ քաղաքացին չի կարող որևէ մեկի համար լինել «հարիֆ», և դա պետք է ամրագրվի օրենքով․ Հայկ Կոնջորյան. ՏԵՍԱՆՅՈՒԹ
Քաղաքականություն
19.11.2019 | 15:49
ՀՀ-ում պետք է տիրի օրենքի գերակայություն, ինչը ենթադրում է՝ ՀՀ-ում հարց լուծողը միայն պետությունն է։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Հայկ Կոնջորյանն՝ ընդգծելով, որ ներկայացված օրենքի նախագիծը չունի այլընտրանք, պետք է լինեն հստակ ու խիստ կարգավորումներ։
«Կա հասկացողություն, որ գողական մտածելակերպ ունեցող անձանց մոտ հասարակ քաղաքացիները նույնացվում են «հարիֆության» հետ։ Սովորական մարդը գողական մտածողության կոնտեքստում ընկալվում է որպես «հարիֆ»։ ՀՀ քաղաքացին չի կարող որևէ կարգավիճակ ունեցող անձի համար լինել «հարիֆ», ՀՀ քաղաքացի լինելը բարձրագույն կարգավիճակ է և դա պետք է ամրագրվի և՛ օրենքով, և՛ մեր մտածողությամբ»,- ասաց պատգամավորը։
Հիշեցնենք, որ ԱԺ-ն քննարկում է Կառավարության կողմից ներկայացված Հայաստանի Հանրապետության քրեական օրենսգրքում փոփոխություններ և լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների փաթեթն առաջին ընթերցմամբ ընդունելու հարցը։
Մանրամասները՝ տեսանյութում։
