18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Չի լինելու ոչ մի սողանցք, և բոլոր սողացողները պատիժ են ստանալու․ Ռուբեն Ռուբինյան. ՏԵՍԱՆՅՈՒԹ
Քաղաքականություն
19.11.2019 | 15:30
Հայաստանում, գրեթե, բոլորը գիտեն՝ ովքեր են օրենքով գողերը, քրեական հեղինակությունները, «զոն նայողները», և ըստ Վարդան Ղուկասյանի՝ նորմալ է, որ բոլորն իմանան՝ այդ անձինք ղեկավարում են քրեական խմբավորում, բայց ինչ է թե իրենք կոնկրետ մի արարքով չեն բռնվել, դա նորմալ է, և իրենք դառնում են «քյասիբներին» տիրություն անող մարդիկ։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Ռուբեն Ռուբինյանը։
«Մենք չենք կարող ամբողջ հասարակությամբ կույր լինել։ ՀՀ-ում կա մեկ իշխանություն, դա պետական իշխանությունն է։ Չի լինելու և չի հանդուրժվելու ոչ մի այլ իշխանություն, ոչ մի ալտերնատիվ իշխանություն, չի լինելու ոչ մի սողանցք, և բոլոր սողացողները պատիժ են ստանալու»,- ընդգծեց Ռուբինյանը։
Հիշեցնենք, որ ԱԺ-ն քննարկում է Կառավարության կողմից ներկայացված Հայաստանի Հանրապետության քրեական օրենսգրքում փոփոխություններ և լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների փաթեթն առաջին ընթերցմամբ ընդունելու հարցը։
Մանրամասները՝ տեսանյութում։
