08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
«Քաղաքային իշխանությունը հերթական անգամ թոզ է փչում քաղաքացիների աչքերին»․ ավագանու անդամներ. ՏԵՍԱՆՅՈՒԹ
Քաղաքականություն
18.11.2019 | 12:51
Քաղաքային իշխանությունը հերթական անգամ թոզ է փչում քաղաքացիների աչքերին, ասելով, որ աղբահանության ծառայությունն ավելի մատչելի է մատուցելու, քան «Սանիթեքը»։ Այդ գումարը շատ ավելի է, քան «Սանիթեքին» տրամադրվող գումարը։ Պետք չէ այստեղ մանիպուլյացիաներ անել. այս մասին այսօր հրավիրված ասուլիսի ընթացքում նշեց Երևանի ավագանու «Լույս» խմբացության անդամ Թեհմինա Վարդանյանը։
Խնդիրն այն է, որ աղբահանության քաղաքային հիմնարկն ավելի շատ է գումար վատնելու։ Փոխքաղաքապետը ներկայացնում էր, որ այդ ավել գումարը տրամադրվելու է մեքենաների ամորտիզացիաներին և պահպանմանը։ Մասնավոր օպերատորն էլ էր նույնն անում։ Իսկ հիմնարկի մեքենաներն ավելի էժան են լինելու, քան մասնավոր ընկերության մեքենաները։ Մենք «Սանիթեքին» 5 մլրդ 146 միլիոն դրամ էինք տալիս և ասում, որ նոր հիմնարկին 4 մլրդ 600 միլիոն ենք տալու։ Բայց Սանիթեքը պետությանը 20% ԱԱՀ էր վճարում։ Այս հիմնարկը հարկից ազատված է։ Եթե հաշվում ես՝ շուրջ 600 մլն ավել գումար է ունենում աղբահանության նոր հիմնարկին։ Որակը պետք է արդեն իսկ «Սանիթեքի» առաջին երկու տարիների նման ապահովեր, բայց մենք չունենք դա, խիստ կասկածում եմ, որ կունենանք։ Երևանում սանմաքրում բացառապես չկա, եթե համարում ենք, որ աղբահանությունը միայն աղբամանները դատարկելն է, չարաչար սխալվում ենք ։
Մանրամասները՝ տեսանյութում։
Նելլի Մելքոնյան
