18.10.2026 | 17:42
Ռուբիոն հերքել է Starlink-ի աշխատանքի միտումնավոր դանդաղեցման մասին մեղադրանքները
Առաջիկա տարիներին էլ այդ խմբակներն ասելիք չեն ունենալու, շարունակելու են սատանաներ փնտրել. Հայկ Գևորգյան. ՏԵՍԱՆՅՈՒԹ
Քաղաքականություն
15.11.2019 | 16:10
Չի կարելի չնկատել, որ տնտեսության վիճակը լավ է: ԱԺ-ում 2020 թվականի բյուջեի նախագծի քննարկումների ժամանակ ասաց «Իմ քայլը» խմբակցության պատգամավոր Հայկ Գևորգյանը:
«Լավ է այնքան, որ մեզ ու ձեզ բոլորիս հայտնի խմբակները, որոնք երբեմն իրենց կուսակցություններ են համարում, այլևս դուրս են եկել շրջանակներից, որ քննադատում են տնտեսությունը, մեկ տարի առաջ ասում էին՝ աննախադեպ խայտառակ գնաճ է սպասվում, բյուջեն դատարկ է, թոշակները չեն կարողանալու տալ, սովամահ ենք լինելու, էդ օրակարգից դուրս են եկել, որովհետև իրենք էլ են հասկանում, թե ինչ է տեղի ունենում: Դրանով եմ բացատրում վերջին շրջանում տեղի ունեցած սրացումները, քանի որ չկա ասելու բան, սատանաներ են փնտրում, ավանդական ընտանիքի տեսլականներ են նկարագրում, վստահ եմ, որ առաջիկա տարիներին էլ այդ խմբակներն ասելիք չեն ունենալու ու շարունակելու են 21-րդ դարում սատանաներ փնտրել, կախարդներ հայտնաբերել, այլմոլորակայինների դեմ պայքարել, ինչում նրանց հաջողություն եմ մաղթում»,- ասաց Գևորգյանը:
Մանրամասները՝ տեսանյութում:
