15.10.2026 | 10:19
Բողոքի ակցիա Կառավարության շենքի դիմաց՝ COP17-ի նախաշեմին. ՈՒՂԻՂ
«Երկիր Ծիրանին» Մասիսի գարշահոտության հարցով դիմել է պատկան մարմիններին
Հասարակություն
09.10.2017 | 17:09
«Երկիր Ծիրանի» կուսակցությունը Մասիսի գարշահոտության հարցով հրապարակավ դիմում է.
Իրազեկում
Մասիս քաղաքում տիրող էկոլոգիական իրավիճակի վերաբերյալ
28.09.2017 թվականին «Երկիր Ծիրանի» կուսակցության նախագահ Զարուհի Փոստանջյանը Մասիս քաղաքում տիրող գարշահոտության խնդրի վերաբերյալ պարզաբանում ստանալու համար դիմել է բնապահպանության և առողջապահության նախարարություններ, որին ի պատասխան 03.10.2017 թվականին բնապահպանության նախարարությունից հայտնել են. «հեղուկի և օդային ավազից վերցրած նմուշի և լաբորատոր փորձաքննության արդյունքում պարզվել է, որ հեղուկում և մթնոլորտային օդում առկա մի շարք նյութեր զգալիորեն գերազանցել են սահմանային թույլատրելի խտությունները»:
Հրապարակավ դիմում ենք պատկան մարմիններին՝ ՀՀ գլխավոր դատախազին, Մարդու իրավունքների պաշտպանին, առողջապահության և բնապահպանության նախարարներին, շտապ վերացնել պատճառված վնասները, լուծում տալ խնդրին՝ վերացնել հետևանքները, հայտնաբերել մեղավորներին և նրանց նկատմամբ նախաձեռնել պատասխանատվության կանչելու գործընթաց:
Կից ներկայացնում ենք բնապահպանության և առողջապահության նախարարությունների պատասխան գրությունները:
