18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Արարատ Միրզոյանը՝ միաժամանակ ԱԺ նախագահ և առաջին փոխվարչապետ աշխատելու մասին. ՏԵՍԱՆՅՈՒԹ
Քաղաքականություն
14.11.2019 | 17:59
Դատախազությունն ուսումնասիրում է Արարատ Միրզոյանի պաշտոնավարման լեգիտիմության հարցը: Մասնավորապես, այն, որ Արարատ Միրզոյանը միաժամանակ և՛ առաջին փոխվարչապետի պաշտոնն է զբաղեցրել, և՛ ԱԺ նախագահի՝ դրա իրավունքը չունենալով:
Այս մասին հարցին ի պատասխան՝ Արարատ Միրզոյանն ասաց. «Ես հիշում եմ, որ միայն գնում էի Կառավարության աշխատասենյակ և աշխատավարձ ստանում էի առաջին փոխվարչապետ աշխատելու համար: Կարծում եմ՝ իրավապահներից պիտի հարցնեք, ինձ իրավաբանները հավատացրել են, որ այդտեղ որևէ իրավական խնդիր չի առաջանում»:
Հարցին՝ երբ պատգամավոր եք դարձել, առաջին փոխվարչապետի պաշտոնից հրաժարվելու դիմում գրե՞լ եք, և դա ուղարկվե՞լ է նախագահի աշխատակազմ, նա պատասխանեց. «Գիտեք՝ շատ իրավաբանական հարց է, գուցե իրավաբանների հետ խոսեք: Ինձ վստահեցրել են, որ որևէ խնդիր չկա»:
Նա ասաց, որ դատախազությունից իր հետ այդ հարցով դեռ չեն կապվել:
Մանրամասները՝ տեսանյութում:
Նարեկ Կիրակոսյան
