Արայիկ Հարությունյանի հրաժարականի հիմք բացարձակ չկա. Արարատ Միրզոյան. ՏԵՍԱՆՅՈՒԹ

Հրայր Թովմասյանի հեռացումը երբեք թիվ մեկ խնդիր չի եղել, ոչ էլ թիվ երկու, թիվ երեք, թիվ հինգ: Լրագրողների հետ զրույցում ասաց ԱԺ նախագահ Արարատ Միրզոյանը:

«Մենք մեր առաջ դրված թվով մի քանի տասնյակ խնդիրներ լուծել և լուծում ենք, ես չգիտեմ՝ իրեն ով ինչ է ներշնչել, ես շարունակում եմ պնդել, որ իր այնտեղ գտնվելը և, ընդհանրապես, Սահմանադրական դատարանում և նրա շուրջ եղած մթնոլորտը շարունակում եմ բնութագրել ճգնաժամ բառով»,- ասաց նա:

Անդրադառնալով ԿԳՄՍ նախարար Արայիկ Հարությունյանի հրաժարականի պահանջին՝ Արարատ Միրզոյանն ասաց, որ ինքը սատարում է Հարությունյանի վարած բարեփոխումների քաղաքականությունը: «Ես կարծում եմ, որ Արայիկ Հարությույանի՝ հրապարակ դրած թեզերը համընկնում են նաև իմ պատկերացումներին»,- ասաց նա և նշեց, որ Եկեղեցու պատմություն առարկայի դասավանդման վերաբերյալ Էջմիածնում հոգևոր խորհրդում ևս քննարկում է ունեցել:

«Նախարարի հրաժարականի պահանջի հիմք բացարձակապես չկա: Ավելին ասեմ, կարծում եմ՝ ինձանից քաջատեղյակ եք, որ դասադուլ, գործադուլ անող, հրաժարականի պահանջով հանդես եկող մարդկանց թվում իրականում մարդիկ են, ովքեր ունեն խիստ ընդգծված և շատ հեշտ ապացուցելի կուսակցական պատկանելություն, կամ եթե ոչ կուսակցական, ապա շատ կոնկրետ քաղաքական կենտրոնների շահեր ներկայացնող, անցած ճանապարհ ունեցողներ են: Այս հրաժարականի պահանջը պայմանավորված է հիմնականում այդ քաղաքական կապերով, մնացածը զուտ պատրվակ է այս հարցը առաջ քաշելու, և ինչ-որ թեժ աշնան իմիտացիա անելու»,- ասաց նա:

Մանրամասները՝ տեսանյութում: