10.01.2025 | 23:14
ՊԵԿ նախագահն ընդունել է Հնդկաստանի դեսպանին
Միայն զգուշացնելով հարց չի լուծվում, պետք է քայլեր ձեռնարկել. Սարիկ Մինասյանը՝ Էրիկ Գրիգորյանին. ՏԵՍԱՆՅՈՒԹ
Քաղաքականություն
13.11.2019 | 18:44
ԱԺ-Կառավարություն հարցուպատասխանի ժամանակ պատգամավոր Սարիկ Մինասյանը տեղեկացրեց, որ Շիրակի մարզի բնակիչները գիշերային ժամերին արդեն ջեռուցում են բնակարանները, ցուրտ է, սակայն վառելափայտի հետ կապված դեֆիցիտ կա, և գինը զգալի բարձրացել է: Նա հետաքրքրվեց՝ արդյո՞ք Կառավարությունը որևէ քայլ ձեռնարկում է, որպեսզի ածուխ և վառելափայտ ներկրող գործարարներին տրվեն հարկային արտոնություններ, որպեսզի ներկրողները կարողանան բացը լրացնել:
Շրջակա միջավայրի նախարար Էրիկ Գրիգորյանը, պատասխանելով հարցին, նկատեց, որ ՀՀ-ում վառելափայտի պահանջարկը գերազանցում է անտառի հնարավորությունները բազմաթիվ անգամ:
«Այս տարվա սկզբին մենք արդեն զգուշացրել էինք, որ փառելափայտի հետ կապված խնդիրներ կառաջանան՝ կապված խստացումների և օրենսդրական փոփոխությունների հետ: Առաջարկել էինք, որպեսզի և՛ քաղաքացիները, և՛ բիզնեսի տարբեր ներկայացուցիչներ փորձեն այլընտրանքային վառելիքի առաջարկներ ստեղծել քաղաքացիների համար»,- ասաց Էրիկ Գրիգորյանը:
Սարիկ Մինասյանն էլ արձագանքելով նկատեց, որ միայն զգուշացնելով հարց չի լուծվում, պետք է քայլեր ձեռնարկել:
Մանրամասները՝ տեսանյութում:
